ខេត្តកំពង់ស្ពឺ ៖ បើតាមអ្នកឆ្លើយឆ្លងព័ត៌មានកោះសន្តិភាពបានឲ្យដឹងជំហានដំបូងមកថា មកដល់វេលាម៉ោង១២និង០៨នាទីថ្ងៃត្រង់ថ្ងៃទី០១ កញ្ញានេះ ភ្លើងដែលឆាបឆេះស្ថានីយ៍ប្រេងសូគីម៉ិច ស្ថិតនៅក្នុងភូមិក្រាំងពលទេព សង្កាត់រកាធំ ក្រុងច្បារមន មិនទាន់រលត់នៅឡើយទេ គ្រាន់តែថមថយឥទ្ឋិពល ។
សេចក្តីរាយការណ៍បានបន្តថា អគ្គិភ័យដែលកើតឡើងមិនទាន់ដឹងមូលហេតុកាលពីវេលាម៉ោងជិត១១ថ្ងៃត្រង់ថ្ងៃព្រហស្បតិ៍ដដែលនេះ បានរាលដាលដល់ផ្ទះ២ល្វែងដែលត្រូវជាបងប្អូនរបស់ម្ចាស់ស្ថានីយ៍ប្រេងខាងលើ ប៉ុន្តែមិនទាន់មានរបាយការណ៍ពីការខូចខាត ឬ មនុស្សណាម្នាក់រងគ្រោះក្នុងហេតុការណ៍នេះនៅឡើយទេ គ្រាន់តែតាមជាក់ស្តែងទំហំនៃការខូចខាតមានទំហំធំ៕
ប្រភព៖ កោះសន្តិភាព
កំណត់ហេតុខ្មែរឡូត៖ ដោយឡែក ករណីមួយផ្សេងទៀត កាលពីព្រឹកមិញ អគ្គិភ័យដែលឆាបឆេះ ផ្ទះប្រជាពលរដ្ឋ នៅខាងក្រោយមន្ទីរពេទ្យកុមារជាតិ សង្កាត់ទឹកល្អក់ទី១ ខណ្ឌទួលគោកបានរលត់ ទៅវិញហើយ នាព្រឹកថ្ងៃទី១ ខែកញ្ញា ឆ្នាំ២០១៦នេះ ក្រោយម្ចាស់ផ្ទះ និងប្រជាពលរដ្ឋ នៅជិតខាងជួយពន្លត់ទាន់។
សមត្ថកិច្ចបានឲ្យដឹងថា មូលហេតុគឺបណ្តាលមកពីឆ្លងភ្លើង នៅពេលម្ចាស់ផ្ទះសាកថ្មទូរស័ព្ទ ហើយដាក់លើពូក។ គ្រោះអគ្គិភ័យមួយ ចំអិតកំពិសនេះ បានបណ្តាលឲ្យខូចខាតពូកដេក និងទ្រព្យសម្បត្តិមួយចំនួនតូច។
រថយន្តពន្លត់អគ្គិភ័យចំនួន២គ្រឿង បានទៅជួយអន្តរាគន៍ដែរ ប៉ុន្តែមិនបានបាញ់នោះទេ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
