ភ្នំពេញ៖ ក្រោយរឿងលែងលះ មិនទាន់ចប់សព្វគ្រប់ ផងនោះ លោក ប៉ែន ចំរ៉ុង ក៏ជួបយីអ៊ុនស៊យ ដោយទីផ្សារ សម្តែងភាពយន្ត បានធ្លាក់ស្រឹបៗ មិនគួរឲ្យជឿ ដែលធ្វើឲ្យផលិតករ មួយចំនួន ស្រែកក្រវីក្បាល ព្រោះតែបង់ថវិកា ក្នុងការផលិតភាពយន្ត។
តាមរោងកុននានា ឲ្យតែខ្សែភាពយន្ត ដែលមានការចូលរួមសម្តែងពី ប៉ែន ចំរ៉ុង គឺគ្មានទស្សនិកជន ណាមួយ មើលឡើយ ដោយគេមិនដឹងថា មកពីមូលហេតុអ្វី ឬខឹងតារារូបនេះ ធ្វើមិនល្អទៅលើ ភិន សុដាលីស ឬយ៉ាងណានោះទេ ?
លោក អ៊ិន សុភិន ចាងហ្វាងផលិតកម្ម មហាហង្សបានប្រាប់ LookingTODAY នៅរសៀលថ្ងៃទី២៣ ខែឧសភា ឆ្នាំ២០១៦ ឲ្យដឹងថា «រឿងដែលខ្ញុំផលិត កន្លងមក មានតួ ប៉ែន ចំរ៉ុង ត្រូវបានលុបចោល ដោយរោងកុនផ្សេងៗ ប្រាប់ថា ឲ្យតែមានតួ ប៉ែន ចំរ៉ុង គឺមិនបាច់យកមកទេ គ្មាននរណា មើលឡើយ»។
លោកបានបន្ថែមថា« មិនមែនតែផលិតកម្មខ្ញុំ នោះទេ ផលិតកម្មផ្សេងៗ ទៀតក៏ខាតបង់ដែរ ឲ្យតែមានតួប៉ែន ចំរ៉ុង នោះដោយផលិតនានា ក្រវីក្បាលតែម្តង »។
បញ្ជាក់ផងដែរថា លោក អ៊ិន សុភិន កំពុងជោគជ័យ តាមរយៈរឿង អ្នកនាងម្ចាស់ឡឺកឺ ដោយចំណាយទុន មិនដល់ ៣ម៉ឺនដុល្លារផង តែទទួលបានមកវិញ ជិត ១០ ម៉ឺនដុល្លារអាម៉េរិក ខណៈដែលរឿងនេះ តួឯកមាន សុខ សោម៉ាវត្តី និង អូន ឧស្សាហ៍ ៕
ប្រភព៖ ដើមអម្ពិល
ចំណាប់អារម្មណ៍ខ្មែរឡូត៖
គួររំលឹកផងដែរថា លោក អ៊ិន សុភិន ថា នរណាអ្នកធ្វើ អ្នកហ្នឹងអ្នកទទួល ហើយខ្ញុំក៏អត់ចង់ដឹង រឿងរ៉ាវពួកគាត់ទាំងពីរនាក់ដែរ ប៉ុន្តែមិនដឹងនរណាបោកនរណា សន្យាជាមួយទស្សនិកជនធ្វើមិនបានសោះ.... ។
ក្រោយផ្ទុះនូវព័ត៌មានឡើង តុលាការ ដើម្បីលែងលះគ្នា ចំណងស្នេហាមួយចម្អិនកំពឹស រវាងតារាសម្តែង ប៉ែន ចំរ៉ុង និង ភិន សុដាលីស បានធ្វើឲ្យទស្សនិកជនជាច្រើន ចង់ដឹងចង់ឭថា រឿងនេះបានវិវត្តន៍ ដល់ចំណុចណា ហើយស្នេហានេះ នឹងបញ្ចប់ដោយយ៉ាងនេះឬក៏យ៉ាងម៉េច ?
លោក អ៊ិន សុភិន ម្ចាស់ផលិតកម្មមហាហង្ស បានប្រាប់ LookingTODAY នៅថ្ងៃទី១៩ ខែឧសភា ឆ្នាំ២០១៦ ឲ្យដឹងថា « នរណាអ្នកធ្វើ អ្នកហ្នឹងអ្នកទទួល ហើយខ្ញុំក៏អត់ចង់ដឹង រឿងរ៉ាវពួកគាត់ ទាំងពីរនាក់ដែរ ប៉ុន្តែមិនដឹងនរណាបោកនរណា សន្យាជាមួយទស្សនិកជនធ្វើមិនបានសោះ»។
លោក អ៊ិន សុភិន បន្តថា «ខ្ញុំមិនលូកដៃនឹងរឿង លែងលះរបស់ពួកគេ ហើយយើងបានទទួលស្គាល់ ៥០ភាគរយ ជាប្តីប្រពន្ធស្របច្បាប់ ប៉ុន្តែគ្រាន់តែ មិនបានធ្វើតាមប្រពៃណី អាហ្នឹងរឿងលុយកាក់ រឿងផ្ទាល់ខ្លួនរបស់គេ ព្រោះគេអួតក្តែង នឹងសារព័ត៌មាន នឹងរៀបចំកាលពីខែ ២ គេអត់លុយការឬ យ៉ាងម៉េច ជារឿងរបស់គេ ព្រោះយើងអស់តួនាទី» ។
ម្ចាស់ផលិតកម្មខាងលើ ក៏បានទទួលស្គាល់ផងដែរថា លោកបានប្រគល់សិទ្ធគ្រប់គ្រាន់ ឲ្យក្នុងការសម្រេច បើសិនជាគេលែងលះគ្នា មិនដឹងធ្វើយ៉ាងម៉េច ។ លោកថា «ខ្ញុំគ្មានបញ្ហាអ្វី ជាមួយនឹងកូនស្រីខ្ញុំនោះទេ តែគ្រាន់តែ ថា សន្យាជាមួយទស្សនិកជន ធ្វើមិនបានសោះ យើងធ្វើមិនបានយើងថោកទាប» ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
