ខេត្តកំពត ៖ មនុស្សខ្លះច្រើនតែគិតខ្លីថា អ្នកស្លាប់រួចផុតទុក្ខអ្វីទាំងអស់ ដោយពុំបានពិចារណា ជាក់ស្តែងបុរសម្នាក់ ដោយសារតែមានជំងឺប្រចាំកាយ សំរេចចិត្តយកខ្សែគោទៅចង.កនៅមែកអំពិលខាងមុខផ្ទះ ស្លាប់យ៉ាងអណោចអធ័ម ដោយគ្មានអ្នកណាដឹង ដែលហេតុការណ៍នេះ បង្កឱ្យភ្ញាក់ផ្អើល កាលពីវេលា៥ភ្លឺថ្ងៃទី៤ ឧសភា ២០១៦ ស្ថិតក្នុងភូមិដំណាក់កន្ទួត ឃុំដំណាក់កន្ទួតខាងត្បូង ស្រុកកំពង់ត្រាច ។
បុរសដែលស្លាប់ឈ្មោះថោង វណ្ណា ភេទប្រុស អាយុ៥២ឆ្នាំ ។ ប្រភពដដែលបន្តថា ការប៉ុនប៉ងធ្វើអត្តឃាតរបស់បុរសរូបនេះ បានព្យាយាមធ្វើជាញឹកញាប់ ដោយសារតូចចិត្តមានជំងឺប្រចាំកាយ ប៉ុន្តែរាល់ការប៉ុនប៉ង ធ្វើអត្តឃាតរបស់គាត់កន្លងមក មិនបានសំរេចទេ ដោយសារតែក្រុមគ្រួសារតាមការពារជាប់ ។
លុះនៅយប់ថ្ងៃកើតហេតុ ពេលដែលក្រុមគ្រួសារដេកលក់អស់ ជនរងគ្រោះមិនដឹងជាឡើងទៅលួចចង.កធ្វើអត្តឃាតតាំងពីថ្មើរណា លុះត្រូវក្រុមគ្រួសារភ្ញាក់ពីដំណេកបាត់គាត់ ទើបមើលទៅដើមអំពិលមុខផ្ទះ ស្រាប់តែឃើញជនរងគ្រោះចង.កជាមួយមែកអំពិលស្លាប់បាត់ទៅហើយ ។
ប្រភព៖ កោះសន្តិភាព
កំណត់ហេតុខ្មែរឡូត៖
គួររំលឹកដែរថា ទាក់ទងនឹងករណីយខាងលើនេះដែរ បុរសជាគ្រូពេទ្យម្នាក់ ត្រូវបានប្អូនថ្លៃប្រទះ ឃើញចងកសម្លាប់ខ្លួន នៅក្នុងបន្ទប់ទឹក ដោយពុំដឹងមូលហេតុ នៅម៉ោងប្រមាណ ៧៖២០នាទី ព្រឹកថ្ងៃទី៤ ខែមេសា ឆ្នាំ២០១៦ ស្ថិតនៅផ្ទះឈ្មោះ ហ៊ុយ ពៅ ក្នុងភូមិ៣ ឃុំព្រែកខ្សាយខ។
យ៉ាងណាក៏ដោយ ពុំមានសាក្សីណាម្នាក់ អាចបញ្ជាក់អំពីមូលហេតុ នៃការធ្វើអត្តឃាត ដោយចងករបស់លោក សែន សុធាវី ដែលជាគ្រួពេទ្យ វ័យ៥២ឆ្នាំនេះ បាននៅឡើយទេ។
ប៉ុន្តែនៅមុនពេលកើតហេតុ ជនរងគ្រោះ បានដើរមកពីហាត់ប្រាណ រួចក៏ចូលទៅក្នុងផ្ទះរបស់ប្អូនថ្លៃ ឈ្មោះ ហ៊ុយ ពៅ ភេទស្រី អាយុ៤២ឆ្នាំ ដើម្បីសុំចូលបន្ទប់ទឹក ដោយបាត់យូ ខាងសាច់ញាតិក៏ បានបើកទ្វារបន្ទប់ទឹក មើលហើយក៏ឃើញជនរងគ្រោះ ចងកសម្លាប់ខ្លួនតែម្តង៕
ដោយឡែកមួយវិញទៀត ស្រ្តីម្នាក់ចងក សម្លាប់ខ្លួននៅក្នុង បន្ទប់ស្នាក់នៅ ផ្ទះជួលលេខ៥០ ផ្លូវលេខ៧ ក្រុម៤ ភូមិរោងចក្រ សង្កាត់ភ្នំពេញថ្មី ខណ្ឌសែនសុខ កាលពីថ្ងៃទី២៧ ខែមីនា ឆ្នាំ២០១៦ ។
ជនរងគ្រោះឈ្មោះ គឹម វត្តី ភេទស្រី អាយុ ៣៣ឆ្នាំ មានប្តី ជាជនជាតិកូរ៉េ ឈ្មោះ kim.chun អាយុ៥៣ឆ្នាំ មុខរបរវិស្វករសំណង់ កាន់លិខិតឆ្លងដែនលេខ M02990896 ។ មុនពេលកើតហេតុ នៅល្ងាចថ្ងៃទី២៦ ខែមីនា ឆ្នាំ២០១៦ វេលាម៉ោង១៩ៈ០០នាទី ជនរងគ្រោះបានឈ្លោះប្រកែកគ្នា ជាមួយប្តីបន្តិចបន្តួច រឿងជនរងគ្រោះ បានទៅខ្ចីលុយអ្នកដទៃ មកឲ្យប្តី ដើម្បីយកមកទូទាត់ឲ្យកម្មករ តែដោយម្ចាស់បំណុល មកទារលុយខាងស្រី ហើយជនរងគ្រោះ ក៏បង្ខំទារលុយពីប្តី ដោយប្រើពាក្យសម្តីខ្លាំងៗ ទើបមានទំនាស់គ្នា រហូតដល់គាគីជនរងគ្រោះ បានខ្វាចដៃប្តីនិងក្រចក បណ្តាលស្នាមដៃស្តាំ១កន្លែង បន្ទាប់មក ប្តីបានឡើងទៅ ដេកបន្ទប់ខាងលើ ចំណែកជនរងគ្រោះដេក បន្ទប់ក្រោម លុះព្រឹកឡើងម៉ោង ៩ៈ០០នាទី ប្តីចុះមកគោះទ្វារបន្ទប់ ក៏ឃើញជនរងគ្រោះចងកស្លាប់ខ្លួន ទៅនិងដែកជាន់ទី២ (គ្រែ២ជាន់)៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]