ភ្នំពេញ៖ តារាកំប្លែងសម្បូរវោហារស័ព្ទ ប្រចាំស្ថានីយទូរទស្សន៍ ស៊ីធីអ៊ិន នាយ ពាក់មី បានបញ្ចេញមនោសញ្ចេតនាស្នេហា យ៉ាងជ្រាលជ្រៅនិង ឌឺដងផ្លែផ្កា ជាមួយពិធីការិនីសាច់សវ័យក្មេង កញ្ញា ជីជី នៅលើឆាកតន្ត្រី ធ្វើឲ្យមហាជនទះដៃស្រែកហ៊ោ កញ្រៀវយ៉ាងខ្លាំង ។ នៅក្នុងវីដេអូឃ្លីប ដែលមានរយៈ ពេលជាង២នាទី ដែលបង្ហាញពីតារាកំប្លែង នាយពាក់មី លេងពាក្យសម្តីឌឺដង លក្ខណៈមនោសញ្ចេតនា លាឡំនឹងកំប្លែង ជាមួយស្រីស្រស់ ជីជី ត្រូវបានអ្នកប្រើប្រាស់បណ្តាញទំនាក់ទំនងសង្គមហ្វេសប៊ុក យកមកបង្ហោះ និងចែកចាយតៗគ្នាព្រោងព្រាត ។
ទោះជាយ៉ាងណា ការបញ្ចេញមនោសញ្ចេតនា របស់នាយ ពាក់មី នៅលើឆាកតន្រ្តី ជាមួយពិធីការិនីសម្បូរមន្តស្នេហ៍ ជីជី នោះ គឺគ្រាន់តែជាការសម្តែង និងកំប្លែងដើម្បីបម្រើអារម្មណ៍ ទស្សនិកជនឲ្យផ្ទុះសំណើច តែប៉ុណ្ណោះ មិនមែនមានន័យថា នាយ ពាក់មី បាញ់មនោសញ្ចេតនា ឬចង់ញ៉ែ ជីជី នៅលើឆាកតន្ត្រី ពិតមែននោះទេ ។
នាយ ពាក់មី ក៏ត្រូវបានមហាជន មួយចំនួន ដាក់រហ័ស្សនាមឲ្យថា កំពូលតារាកំប្លែងពូកែញ៉ែ ព្រោះគេមើលឃើញថា ឲ្យតែលោកសម្តែង នៅលើឆាកតន្ត្រីម្តងៗ លោកតែងតែប្រើពាក្យ សំដីញ៉ែញ៉ង ជាមួយអ្នកកំប្លែងដូចគ្នា ជាពិសេសនាង ខ្ញុង ។ មិនតែប៉ុណ្ណោះ សូម្បីតែពិធីការិនីស្រស់ស្អាតផ្សេងៗទៀត ក៏ នាយ ពាក់មី លេងសម្តីជាមួយដែរ ។
ចង់ដឹងថា តារាកំប្លែងនាយ ពាក់មី លេងមនោសញ្ចេតនាអ្វីខ្លះ ជាមួយពិធីការិនីសាច់សសម្បូរមន្តស្នេហ៍ ជីជី សូមទស្សនា ជាមួយគេហទំព័រ LookingTODAY ទាំងអស់គ្នា៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
