ភ្នំពេញ៖ ប្រិយមិត្តដែលនិយមតាមដានវីដេអូកំប្លែង ប្រាកដជាបានជ្រាបយ៉ាងច្បាស់ អំពីនាយ ចយ ដែលជាតារាកំប្លែងមានប្រជាប្រិយភាពមួយរូបផងដែរ។ លើសពីនេះ តារាកំប្លែងរូបនេះ បានធ្វើឲ្យមហាជនរាល់គ្នា ចាប់អារម្មណ៍យ៉ាងខ្លាំង ទៅលើជីវិតគ្រួសារដ៏មានសុភមង្គលរបស់លោក។
ជាក់ស្ដែង ក្រោយពីបានរៀបអាពាហ៍ពិពាហ៍ ជាមួយភរិយាដ៏ស្រស់សោភាមួយរូបតាំងពីកំឡុងដើមឆ្នាំ២០១៨ រួចមក តារារូបនេះ តែងតែបង្អួតនូវស្នេហាដ៏ផ្អែមល្ហែម ស្អិតរមួត ធ្វើឲ្យអ្នករាល់គ្នាមានចិត្តច្រណែនដល់នាយគ្រប់គ្នាតែម្ដង។
អ្វីដែលពិសេសនោះ បន្ទាប់ពីរៀបការរយៈពេល១ឆ្នាំជាងមកនេះ នាយ ចយ ក៏កំពុងតែនឹងត្រៀមខ្លួនធ្វើជាឪពុករបស់គេផងដែរ ព្រោះថាភរិយារបស់នាយកំពុងតែពពោះកូនប្រុសម្នាក់ ដែលនឹងជិតសម្រាលនាពេលឆាប់ៗខាងមុខនេះហើយ។
ដោយឡែក កាលពីប៉ុន្មានម៉ោងមុននេះ តាមរយៈគណនីហ្វេសប៊ុកភរិយារបស់នាយ ចយ ក៏បានបង្ហោះរូបភាពមួយសន្លឹកជាមួយនឹងនាយ ក្នុងឈុតក្បិនបុរាណខ្មែរ បង្ហាញពីផ្ទៃពោះ ដែលនឹងជិតដល់ពេលសម្រាលនោះ ដើម្បីទុកជាអនុស្សាវរីយផងដែរ។
ក្នុងនោះដែរ គេសង្កេតឃើញថា គូស្វាមីភរិយាមួយគូនេះ ប្រកបដោយទឹកមុខសប្បាយរីករាយ និងរំភើបយ៉ាងខ្លាំង ក្នុងការត្រៀមរង់ចាំវត្តមានរបស់កូនប្រុសរបស់ពួកគេ ដែលសល់មិនដល់២ខែទៀតនោះឡើយ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]