កូនប្រុស នាយចយ កាន់តែធំ កាន់តែសង្ហា

រាជធានីភ្នំពេញ ៖ បើទោះបីពេលនេះ ក្រុមកំប្លែង នាយក្រឹម បំបែកគ្នាអស់ក្តី ប៉ុន្តែអតីតតារាកំប្លែង នាយចយ នៅទទួលការចាប់អារម្មណ៍ពីមហាជនដូចពេលមុន ជាងនេះទៅទៀត តាំងពីរៀបការរួច គេឯងរឹងតែចង់ដឹងឮពីជីវិតឯកជនរបស់រូបលោកខ្លាំងលើសដើម។

ដោយសារតែ មានរូបសម្បត្តិមិនអំណោយផលពីធម្មជាតិ អ្នកគាំទ្រចេះតែសម្តែងការព្រួយបារម្ភពីចំណងស្នេហារបស់អតីតតារាកំប្លែងរូបនេះ ខណៈដែលរើសបានភរិយាធជាស្រីស្អាតនរណាៗក៏សរសើរ ប៉ុន្តែក្រឡេកមើលជីវិតប្រចាំថ្ងៃរបស់អ្នកទាំំងពីរ កាន់តែចាស់កាន់តែផ្អែមល្អែមឡើង ពិសេសបច្ចុប្បន្ននេះ ហាក់កំពុងរស់នៅក្នុងជីវភាពមួយធូរធាមិនធម្មតាឡើយ មានផ្ទះរស់នៅសមរម្យ និងមានរថយន្តទំនើបជិះ ជីវិតគ្រួសារមានសុភមង្គល។

ជាមួយគ្នានេះ​ តាំងពីចាប់ដៃគ្នាជាប្តីប្រពន្ធច្រើនឆ្នាំមក អ្នកទាំងពីរទទួលបានសមាជិកកូនប្រុសម្នាក់ ដែលពេលនេះ ធំពេញរូបពេញរាងដូចគេឯង មិនតែប៉ុណ្ណោះ កាន់តែធំ កាន់តែស្រស់សង្ហា មុខមាត់មានប្រជាប្រិយភាព គួរឲ្យស្រឡាញ់ មិនដូចការគិតរបស់បងប្អូនមួយចំនួនធំ ដែលសង្ស័យថាកូនកើតមានមុខមាត់ដូចឪពុកច្រើន ប៉ុន្តែហេងអ្វីមានអ្នកម៉ាក់ស្រស់ស្អាត ទើបធ្វើឲ្យ កូនប្រុសតែម្នាក់របស់ នាយចយ មានរូបសម្បត្តិមិនចាញ់ក្មេងគេឯងប៉ុន្មានឡើយ៕

បើចង់ដឹងឲ្យកាន់តែច្បាស់ថែមទៀតនោះ តោះទៅមើលរូបភាពខាងក្រោម ៖