បានជួបនៅក្រៅ សុវត្ថិឌី ធារិកា បង្ហាញការគោរព ស្រលាញ់ ពីតារារៀមច្បង ទាំង២រូបយ៉ាងស្និទ្ធស្នាល!

ភ្នំពេញ៖ បច្ចុប្បន្ននេះឃើញថាតារាចម្រៀងស្រីដ៏មានប្រជាប្រិយភាព កញ្ញាសុវត្ថិឌី ធារិកា កាន់តែមានប្រជាប្រិយភាព កាន់តែខ្លាំងឡើងក្នុងវិស័យសិល្បៈ ស្របពេលដែលចម្រៀងថ្មីៗរបស់នាង តែងតែទទួលបានការចាប់អារម្មណ៍យ៉ាងខ្លាំង។

ជាក់ស្តែង កាលពីពេលថ្មីៗនេះដែរ តារាស្រីរូបនេះ បានធ្វើការបង្ហោះរូបភាពជាច្រើនសន្លឹក នៅលើបណ្តាញសង្គមរបស់ខ្លួន ជាមួយនឹងកំពូលតារាចម្រៀងរៀមច្បង២រូប អ្នកនាងឱក សុគន្ធកញ្ញា និងលោកព្រាប សុវត្ថិ។

ដែលក្នុងនោះ នាងបានធ្វើការបង្ហាញការគោរពស្រលាញ់យ៉ាងខ្លាំង តាមរយៈការថតរូបបញ្ចេញកាយវិការយ៉ាងស្និទ្ធស្នាល មិនត្រឹមតែប៉ុណ្ណោះ នាងបានបង្ហាញអារម្មណ៍ពិតរបស់ខ្លួនយ៉ាងដូច្នោះថា៖«ក្មួយសូមអរគុណដល់លោកពូ ព្រាប សុវត្ថិ និង បងកញ្ញា ដែលតែងតែផ្ដល់កិតិ្តយសដល់ប្អូន។ រៀងរាល់ពេល ដែលបានជួបតែងតែណែនាំ ផ្ដល់ដំបូន្មាន សួរសុខទុកប្អូនគ្រប់ពេល ដោយភាពញញឹមនិងក្ដីស្រលាញ់ពិតៗ ស្រលាញ់និងគោរពជានិច្ច»។

ទន្ទឹមនឹងសារដ៏មានន័យ ជាមួយនឹងសកម្មភាព គោរព ស្រលាញ់តារាទាំង២ដួងនេះ បានធ្វើឲ្យអ្នកគាំទ្រពិតជាស្រលាញ់ និងពេញចិត្តជាមួយនឹងទង្វើបែបនេះតែម្តង៕

សូមទស្សនារូបភាពខាងក្រោមនេះ៖

• ព្រាប សុវត្ថិ
• ឱក សុគន្ធកញ្ញា
• សុវត្ថិឌី ធារិកា
• តារាខ្មែរ