ហ្វេន សរសើរ ចនច័ន្ទ លក្ខិណា ដែលហ៊ានលាតត្រដាង សភាពមុខបែបនេះឲ្យគេឃើញ!

ភ្នំពេញ៖ បើទោះបីជា អ្នកនាង ចនច័ន្ទ លក្ខិណា ចូលវ័យជ្រេប៉ុណ្ណាក៏ដោយ ក៏អ្នកនាង នៅតែទទួលបានការចាប់អារម្មណ៍ និងគាំទ្រ ពីសំណាក់ហ្វេនដដែល ជាមួយនឹងសកម្មភាពសប្បុរសធម៌ជាច្រើន នៅក្នុងសង្គម។

ក្នុងនោះ គេសង្កេតឃើញថា មួយរយៈចុងក្រោយនេះ មុខមាត់របស់តារាស្រីរូបនេះ ហាក់ដូចជាហត់នឿយជាងមុន​ ដោយលេចចេញនូវស្នាមជាំ និងអាចម៍រុយ ផ្នែកចំហៀងមុខ។ ប៉ុន្តែអ្វីដែលធ្វើឲ្យហ្វេន សរសើរ គឺអ្នកនាង ហ៊ានលាតត្រដាង នូវមុខមាត់ពិតរបស់ខ្លួន ដោយក្លាហានបង្ហោះរូបទាំងអស់នោះ នៅលើហ្វេសប៊ុក ដោយមិនខ្វល់ការពេបជ្រាយ ពីសំណាក់មនុស្សមួយចំនួននោះទេ។

ត្រង់ចំណុចនេះហើយ ដែលអាចបញ្ជាក់បានថា ចន ច័ន្ទលក្ខិណា មានទំនុកចិត្តខ្ពស់ និងហ៊ានប្រឈមមុខ ជាមួយនឹងអ្វីដែលជាការពិត បើទោះបីជា មុខអ្នកនាង ស្ថិតក្នងសភាពបែបនេះក៏ដោយ៕

• ចនច័ន្ទ លក្ខិណា
• តារាខ្មែរ