ប្រឹងរាល់ថ្ងៃមុខរបរច្រើនមុខ ទីបំផុត ខ្ញុង សម្រេចបំណង ប្តូររថយន្តថ្មីស៊េរីទំនើប តម្លៃរាប់ម៉ឺនដុល្លារ!

ភ្នំពេញ៖ ក្រៅពីអាជីពជាអ្នកសិល្បៈ តារាកំប្លែងស្រីដ៏មានប្រជាប្រិយភាពអ្នកនាងខ្ញុង ក៏មានមុខរបរផ្ទាល់ខ្លួនដោយបច្ចុប្បន្នមានភាពមមាញឹកយ៉ាងខ្លាំង និងជោគជ័យខ្លាំង រកពេលសម្រាកមិនចង់បាននោះទេ។

តាមរយៈការខិតខំប្រឹងប្រែងទាំងយប់ទាំងថ្ងៃ ធ្វើការផងរកស៊ីច្រើនមុខផង ក៏បានធ្វើឲ្យនាងទទួលបាននូវលទ្ធផលយ៉ាងល្អសម្រាប់ខ្លួនឯងដែរ។ ដោយកាលពីពេលថ្មីៗនេះ នាងបានទិញកាដូលើកទឹកចិត្ត និងមានតម្លៃ សម្រាប់ខ្លួនឯង ជាមួយនឹងការខិតខំប្រឹងប្រែងអស់រយៈពេលជាយូរឆ្នាំមកនេះ។

ដែលក្នុងនោះគឺជាកាដូ រថយន្តស៊េរីទំនើបដ៏ស្រស់ស្អាតពណ៌ស តម្លៃរាប់ម៉ឺនដុល្លារ មិនត្រឹមតែប៉ុណ្ណោះនៅក្នុងនោះនាងក៏បានធ្វើការរៀបរាប់បន្ថែមថា៖ «ខ្ញុំប្រឹងរាល់ថ្ងៃស្ទើរងាប់ស្ទើររស់ ចឹងវាមិនចម្លែកទេ ដែលខ្ញុំទទួលបាននៅអ្វីដែលខ្ញុំប្រាថ្នានោះ ព្រោះវាបានមកពីការតស៊ូរបស់ខ្ញុំ អរគុណកម្លាំងចិត្ត»។

ទន្ទឹមនឹងភាពជោគជ័យនេះ បានធ្វើឲ្យបណ្តាអ្នកគាំទ្រពិតជាពេញចិត្ត ក៏ដូចជាសរសើរដល់នាងគ្រប់គ្នា ដែលនាងបានខិតខំប្រឹងប្រែងជារៀងរាល់ថ្ងៃ រហូតបានសម្រេចនូវបំណងរបស់ខ្លួន និងធ្វើឲ្យខ្លួនឯងសប្បាយចិត្តបែបនេះ៕

សូមទស្សនារូបភាពខាងក្រោមនេះ៖ 

• ខ្ញុង
• តារាខ្មែរ