ភ្នំពេញ៖ កាលពីថ្មីៗនេះ នៅលើបណ្តាញសង្គម មានរឿងដ៏គួរឲ្យចាប់អារម្មណ៍មួយក្រោយពេលឃើញ គណនីហ្វេសប៊ុកផ្លូវការ របស់តារាចម្រៀងប្រុសដ៏មានប្រជាប្រិយភាព លោក ឆន សុវណ្ណរាជ ត្រូវជាតារាចម្រៀងក្នុងផលិតកម្ម រស្មីហង្សមាស បានបង្ហោះរូបភាពមួយសន្លឹកនោះ ធ្វើឲ្យមានបណ្ដាផេកជាច្រើនយកទៅ Troll។
ក្នុងនោះផងដែរបើ ផ្អែកទៅលើការបង្ហោះនោះ គេសង្កេតឃើញថារូបភាពដែល លោក ឆន សុវណ្ណរាជ ថតជុំគ្នាជាមួយនិង អ្នកនាង ឱក សុគន្ធកញ្ញា ជាមួយនឹងស្នាមញញឹមតិចៗ របស់ខ្លួន ធ្វើឲ្យបណ្ដាអ្នកគាំទ្រជាច្រើនមានការចាប់អារម្មណ៍ខ្លាំងមែនទែន ។
យ៉ាងណាមិញ ក្រោយពីមានគេយករូបភាពទៅTrollច្រើនរបស់ លោក ឆន សុវណ្ណរាជ ក៏បានបង្ហោះសារ នៅលើគណនីហ្វេសប៊ុកផ្លូវការរបស់ ខ្លួន ថា៖«ទីបំផុតថ្ងៃដែលពួកយើងទាំងអស់គ្នារង់ចាំបានមកដល់ហើយ ហ៊ាគឺថ្នាក់ដឹកនាំនិងជាបងប្រុសដ៏ល្អនិងអស្ចារ្យម្នាក់សម្រាប់ខ្ញុំ កញ្ញាគឺជាមិត្តរួមអាជីពនិងជាបងប្អូនដ៏ល្អបំផុតម្នាក់សម្រាប់ខ្ញុំដូចគ្នា ថ្ងៃនេះខ្ញុំពិតជារំភើបនិងសប្បាយចិត្តជំនួសបងប្អូនល្អទាំងពីរ ជូនពរដល់ហ៊ានិងកញ្ញា ស្រលាញ់គ្នាដល់ចាស់ព្រឹទ្ធចាស់ព្រេង មានសេចក្ដីសុខសុភមង្គលក្នុងជីវិត ជាពិសេសឆាប់មានក្មួយអោយពួកខ្ញុំពរឆាប់ៗណា កឺៗនិងជេៗ ដោយការគោរពនិងស្រលាញ់ពីប្អូនប្រុសម្នាក់នេះ ឆនសុវណ្ណរាជ»។
បន្ទាប់ពីបានឃើញបែបនេះ មានបណ្ដាអ្នកគាំទ្រមិនតិចនោះទេ នាំគ្នាសែរចែកចាយគ្នា ហើយក៏ជាការបញ្ជាក់យ៉ាងច្បាស់ថា លោក និងសុគន្ធកញ្ញា តាំងពីដើម ដល់ពេលនេះជាមិត្តល្អនឹងគ្នាទេ គ្មានអ្វីលើសពីនេះ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
