រាជធានីភ្នំពេញ ៖ នាយតាក់ស៊ីតារាកំប្លែងដ៏ល្បីប្រចាំស្ថានីយទូរទស្សន៍ក្នុងស្រុកមួយត្រូវបានគេឃើញមកទស្សនាកីឡាប្រដាល់នៅសង្វៀនទូរទស្សន៍ដែលលោកបម្រើការឱ្យស្ទើរតែរៀងរាល់សប្ដាហ៍ ។ អ្វីដែលគេចាប់អារម្មណ៍ខ្លាំងនិងមានចម្ងល់នោះគឺលោកតែងបញ្ចេញកាយវិការទៅតាមចង្វាក់នៃការវាយរបស់កីឡាករនៅលើសង្វៀនហាក់ដូចជាលោកចូលតួជាកីឡាករពិតៗដោយមិនដឹងខ្លួន ធ្វើឱ្យអ្នកដែលបានឃើញមិនអាចទប់សំណើចបានឡើយ ។
តាមប្រភពព័ត៌មាន បានជានាយតាក់ស៊ីចូលចិត្តកីឡាប្រដាល់ខ្លាំងបែបនេះដោយសារតែលោកក៏ជាអតីតកីឡាករគុនខ្មែរមួយរូបតាំងពីជំនាន់កីឡាករឡឹក វិបុល និងជ័យ កុសល ជាដើម។ តារាកំប្លែងដែលត្រៀមបោះបង់អាជីពទៅបួសរូបនេះបានប្រាប់គេហទំព័រកីឡាក្នុងស្រុកមួយថា ដោយសារស្រឡាញ់ កាលនៅ ក្មេងលោកបានចូលហ្វឹកហាត់ប្រដាល់ជាមួយលោកគ្រូជ័យ ប៊ុនឈឿ ជាព្រឹទ្ធាចារ្យគុនខ្មែរ ដែលបានទទួលមរណភាពកាលពីឆ្នាំ២០១៧ កន្លងទៅ ។
កាលនោះប្រដាល់មិនទាន់មានការផ្សព្វផ្សាយតាមកញ្ចក់ទូរទស្សន៍ទេដោយលោកចូលប្រកួតតាមការរៀបចំតាមវត្ត ឬកម្មវិធីផ្សេងៗតាមខេត្តតែប៉ុណ្ណោះដោយដាក់ឈ្មោះខ្លួនឯងថា ឡុង វិរៈ។ លោកបន្តថា លោកឡើងសង្វៀនបានប្រហែលជាង២០ដងដែរដោយមានចាញ់មានឈ្នះ ហើយក្រោយមកក៏ឈប់វិញដោយសារគ្រួសារមិនគាំទ្រឱ្យធ្វើជាអ្នកប្រដាល់ ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
