ផ្អែមល្ហែមអ្វីម្ល៉េះទេ មួយឃ្លារបស់ព្រាប សុវតិ្ថ ជូនទៅភរិយា ធ្វើឲ្យហ្វេនសរសើរមិនដាច់ពីមាត់!

ភ្នំពេញ: កំពូលតារាចម្រៀង ប្រចាំប្រទេសកម្ពុជា លោក ព្រាប សុវត្ថិ មានការមមាញឹកយ៉ាងខ្លាំង ចំពោះអាជីព ជាតារាចម្រៀង ទាំងការប្រគំតន្រ្ដី តាមខេត្តផ្សេងៗ រួមទាំងក្រៅប្រទេស ផងដែរ។

ថ្មីៗនេះ រូបលោក និងកូនប្រុស ទាំង៣ បានឡើងទៅបំពេញការងារ នៅប្រទេសអាមេរិក។ ប៉ុន្តែបើទោះបីជា តារាចម្រៀងរូបនេះ មានភាពមមាញឹក បែបណាក្ដី ក៏គេសង្កេតឃើញថា លោក មិនភ្លេចភារកិច្ច នៅក្នុងគ្រួសារទេ។

ជាក់ស្ដែង ប៉ុន្មានម៉ោងមុន លោក សុវត្ថិ បានបង្ហោះសារ យ៉ាងផ្អែមល្ហែម ជូនចំពោះភរិយាជាទីស្រលាញ់ របស់លោក។ តាមរយៈគណនីហ្វេសប៊ុករបស់លោកផ្ទាល់ បានបង្ហោះនូវរូបភាព មួយសន្លឹ​ក​ ឈរជាមួយភរិយា ប្រកបដោយទឹកមុខ​ សប្បាយរីករាយ អមដោយពាក្យពេចន៍ថា “ស្រលាញ់តែម៉ែវាទេ”។ 

តាមរយៈសារនេះផងដែរ ធ្វើឲ្យអ្នកគាំទ្រមានការចាប់អារម្មណ៏ និងសរសើរ មិនដាច់ពីមាត់អំពីស្នេហាដ៏ផ្អែមល្ហែមរបស់ពួកគេទាំងពីរ បើទោះបីជាមានកូនធំៗ ក៏ពួកគេ នៅតែបង្ហាញក្តីស្នេហ៍ ដូចកាលគ្រាដើម៕

• ព្រាប សុវត្ថិ
• រូបភាព
• តារាខ្មែរ