មិនធម្មតា! ប្អូនប្រុសនីឡា សម្តែងបានល្អ ឈរសម្រក់ទឹកភ្នែកភ្លាមៗ មិនចាញ់តារារៀមច្បង! (មានវីដេអូ)

ភ្នំពេញ៖ ឪពុករបស់តារាកំប្លែងវ័យក្មេង វ៉ាន់ នីឡា ដែលជាអ្នកដឹកនាំ ផលិតកម្មវិធីកម្សាន្តរបស់ទូរទស្សន៍ និងជាអ្នកគ្រប់គ្រងក្រុមកំប្លែងប្រចាំនៅស៊ីធីអិន លោកតាវ៉ិច ទ័រ បានសម្រេចចិត្ត យកកូនប្រុសពៅដែលមានរូបសម្រស់ស្រស់ស្អាត ចូលសម្តែងនៅក្នុងកម្មវិធីជាច្រើន។

មកទល់នឹងពេលនេះឃើញថា ប្អូនប្រុសរបស់នីឡា បានលេចមុខសម្តែងនៅក្នុងរឿងកំប្លែងខ្លីៗជាច្រើន ដែលទទួលបានការចាប់អារម្មណ៍ និងសរសើរពីបណ្តាអ្នកគាំទ្រជាច្រើនចំពោះសមត្ថភាពដ៏ល្អ របស់តារាវ័យក្មេងរូបនេះ។

ជាក់ស្តែងកាលពីពេលថ្មីៗនេះ ក៏មានវីដេអូមួយត្រូវបានផ្សាយពេញហ្វេសប៊ុក ដែលនិយាយពីសមត្ថភាពដ៏ល្អនៅក្នុងការសម្តែងសម្រក់ទឹកភ្នែក របស់ប្អូនប្រុសតារាស្រីរូបនេះ។ ដោយក្នុងនោះ ឃើញថាប្អូនប្រុសនាងសម្តែង ចូលតួ ជាមួយនឹងការលេងទឹកមុខបាន ថែមទាំងអាចសម្រក់ទឹកភ្នែកមកបានភ្លាមៗយ៉ាងសាកសម។

ក្រោយពីបានទស្សនាវីដេអូ នៃការខិតខំសម្តែងឲ្យបានល្អរបស់ប្អូនប្រុស បានធ្វើឲ្យមហាជនជាច្រើនសរសើរគ្រប់គ្នា ដែលនៅក្មេងប៉ុណ្ណឹងសោះ តែមានសមត្ថភាពល្អ សម្តែងមិនចាញ់តារារៀមច្បងប៉ុន្មានទេ៕

សូមទស្សនាវីដេអូខាងក្រោមនេះ ដើម្បីជ្រាបច្បាស់៖

• វ៉ាន់ នីឡា
• វីដេអូ
• តារាខ្មែរ