ចូលរួមអបអរ! តារាកំប្លែងនាយក្តឹប ទទួលអំណោយពីសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ក្នុងការព្យាបាលជំងឺ!

ភ្នំពេញ៖ ប្រិយមិត្តជាច្រើនច្បាស់ជាបានជ្រាបរួចមកហើយថា តារាកំប្លែងជើងចាស់ដ៏មានប្រជាប្រិយភាព នាយក្តឹប បានធ្លាក់ខ្លួនឈឺជាទម្ងន់ ជាមួយនឹងស្ថានភាពជំងឺជាច្រើន ដែលត្រូវការប្រាក់ច្រើនដើម្បីព្យាបាល  ខណៈពេលដែលលោកកំពុងតែមានការខ្វះខាតយ៉ាងខ្លាំង។

តែពេលនេះ ក៏ស្រាប់តែទទួលបានដំណឹងដ៏ល្អបំផុតសម្រាប់លោក ដោយបានទទួលអំណោយពីសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដើម្បីយកទៅធ្វើការព្យាបាលជំងឺរបស់ខ្លួនបន្តទៀត។ នេះបើយោងតាមគណនីហ្វេសប៊ុក លោកហេង ឡុង បានបញ្ជាក់ប្រាប់កាលពីប៉ុន្មានម៉ោងមុននេះ។

ដំណឹងដ៏ល្អមួយនេះបានធ្វើឲ្យមហាជនជាច្រើនពិតជារំភើបនៅក្នុងចិត្តយ៉ាងខ្លាំង ពេលដែលថ្នាក់ដឹកនាំ បានជួយដល់សិល្បៈករ ដែលកំពុងខ្វះខាតខ្លាំងរូបនេះ។មហាជនជាច្រើនក៏សង្ឃឹម និងជូនពរឲ្យការព្យាបាលរបស់គាត់ នឹងទទួលបានភាពជោគជ័យ ត្រលប់មកចូលសិល្បៈវិញ ក្រោយទទួលបានថវិកាមួយចំនួនដើម្បីព្យាបាលជំងឺ។

គួរបញ្ជាក់ផងដែរថា តារាកំប្លែងនាងក្តឹប បានធ្លាក់ខ្លួនឈឺជាទម្ងន់ និងមានស្ថានភាពស្គមខ្លាំង ដោយសារជំងឺជាច្រើនមុខដូចជា ឈាមកកក្នុងខួរក្បាល ជំងឺបេះដូង និងជំងឺសួត អស់ពេលជាច្រើនខែមកហើយ៕

• នាយក្តឹប
• តារាខ្មែរ