ឆ្លងចូលឆ្នាំថ្មីភ្លាម មាស សុខសោភា បង្ហោះរូបស្វីត ជាមួយគូស្នេហ៍បណ្តូលចិត្ត នៅមាត់សមុទ្រភ្លែត!

ភ្នំពេញ៖ ពិតជាគួរឲ្យត្រេកអរជំនួស តារាចម្រៀងស្រីចាស់វស្សា មាស សុខសោភា ក្រោយពីចូលប្រឡូកសិល្បៈជាង១០ឆ្នាំ ថែមទាំងមានវ័យក៏កាន់តែជ្រេរទៀតនោះ ទីបំផុតពេលនេះនាងបានរកឃើញសុភមង្គលយ៉ាងពិតប្រាកដ និងបើកចំហរជាសាធារណៈ ជាមួយនឹងគូស្នេហ៍សំណព្វចិត្តរបស់នាង ដែលមានទាក់ទងគ្នាអស់រយៈពេលជាច្រើនឆ្នាំហើយ។

ជាការពិតណាស់ បច្ចុប្បន្ននេះគេសង្កេតឃើញថា តារាចម្រៀងស្រីពិរពេញទៅដោយទឹកដមសម្លេងរូបនេះ កាន់តែបើកចំហរពីភាពផ្អែមល្អែម ជាមួយនឹងគូស្នេហ៍បណ្តូលចិត្តនៅលើបណ្តាញសង្គមជាញឹកញាប់។ មិនតែប៉ុណ្ណោះ មួយរយៈមុននេះ អ្នកទាំងពីរថែមទាំងបាន ថតនូវMV ចម្រៀងស្នេហារ៉ូមែនទិកបទ « Everywhere Together» ជាមួយគ្នាថែមទៀតផង។

លើសពីនេះ ដាច់ឆ្នាំចាស់ ចូលឆ្នាំថ្មីឆ្នាំ២០១៩មិនទាន់ តារាចម្រៀងស្រី មាស សុខសោភា ក៏បានបង្ហោះនូវរូបថតស្វីតៗជាមួយគូស្នេហ៍របស់នាង ខណៈពេលដែលពួកគេទៅដើរលេងកម្សាន្ត នៅឯឆ្នេរសមុទ្រដ៏ស្រស់ស្អាតមួយកន្លែង។

យ៉ាងណាមិញ អ្នកគាំទ្រជាច្រើនក៏កំពុងតែទន្ទឹងរងចាំ ស្តាប់ដំណឹងល្អរបស់អ្នកទាំងពីរ សង្ឃឹមថាអ្នកទាំងពីរនឹង ប្រកាសវេលាជ័យចូលរោងការតាមប្រពៃណីខ្មែរ ក្នុងពេលឆាប់ៗខាងមុខនេះផងដែរ៕  

• មាស សុខសោភា
• ស្នេហា
• រូបភាព
• តារាខ្មែរ