ក្រោយជួបរឿងអាក្រក់! ទីបំផុត ទេព បូព្រឹក្ស ឡើងច្រៀងវិញ ពោរពេញដោយសា្នមញញឹម (មានវីដេអូ)

ភ្នំពេញ៖ ប្រធានបទក្តៅ រឿងរ៉ាវដ៏ភ្ញាក់ផ្អើលនៅក្នុងឆ្នាំ២០១៨ តារាចម្រៀងកញ្ញា ទេព បូព្រឹក្ស ត្រូវបានបុរសម្នាក់ជះស្រាបៀរ ខណៈពេលដែលកំពុងច្រៀង ត្រូវបានបញ្ចប់ ដោយស្នាមញញឹម រីឯថវិកាជាង១ម៉ឺនដុល្លារ នាងក៏បាននាំយកទៅឲ្យមន្ទីរពេទ្យក៏ដូចជាជួយតារាចាស់ៗជាច្រើនដួង ដែលកំពុងជួបបញ្ហា។

បន្ទាប់រឿងដ៏សោកសៅនេះបានកន្លងផុតទៅ ឆ្នាំថ្មី២០១៩ក៏បានមកដល់ តារាស្រីរូបនេះក៏បានបង្ហាញភាពរឹងមាំ ជាថ្មី ឡើងច្រៀងតាមរយៈការប្រគំតន្ត្រីឆ្លងឆ្នាំ និងធ្វើការតាមធម្មតា ជាមួយនឹងមិត្តរួមសិល្បៈជាច្រើនដួង។

ទន្ទឹមនឹងនេះដែរ នាងក៏បានបង្ហាញនូវភាពរឹងមាំ ឡើងច្រៀងយ៉ាងស្វាហាប់ បង្ហាញស្នាមញញឹម ភាពជឿជាក់ទៅកាន់អ្នកគាំទ្រ ក្រោយកើតរឿងហេតុដ៏ភ្ញាក់ផ្អើលនៅក្នុងឆ្នាំចាស់ ហើយនេះក៏ជាឆាកទី១ហើយ នៅក្នុងការវិលត្រលប់មកច្រៀងវិញរបស់នាង។

ក្រោយពីបានទស្សនាការសម្តែងច្រៀងរបស់នាង បានធ្វើឲ្យអ្នកគាំទ្រជាច្រើន ក៏បានសរសើរដល់រូបនេះ ដែលមានជាមនុស្សស្រីដែលរឹងមាំតស៊ូបានគ្រប់រឿង មិនត្រឹមតែប៉ុណ្ណោះពួកគេក៏បាននាំគ្នាលើកទឹកចិត្តនាង បន្តទៀតផងដែរ៕

សូមទស្សនាវីដេអូខាងក្រោមនេះ៖ 

• ទេព បូព្រឹក្ស
• វីដេអូ
• តារាខ្មែរ