ធ្លាប់តែឃើញស្ទាវ មកលើកនេះ G-Devith និង ទេព បូព្រឹក្ស ដូចឯកឧត្តម និង លោកជំទាវ ម្ដង

កម្សាន្ត៖ ថ្មីៗនេះ កំពូលតារាចម្រៀងរ៉េប ដ៏ល្បីល្បាញ លោក G-Devith និង តារាចម្រៀងស្រីសំនៀងពីរោះ អ្នកនាង ទេព បូព្រឹក្ស បានធ្វើឲ្យអ្នកលេងបណ្ដាញសង្គមចាប់អារម្មណ៍ទៅលើការតែងខ្លួនរបស់អ្នកទាំងពីរជាខ្លាំង ដែលមើលទៅពិតជាប្លែកភ្នែក។

ជាមួយគ្នានេះ តារារ៉េប G-Devith បានបង្ហោះរូបប៉ុន្មានសន្លឹកជាមួយនឹងភរិយាទៅក្នុងបណ្ដាញសង្គម ព្រមជាមួយនឹងខេបសិនថា មើលរូបភាពឃើញអនាគត។​ បើក្រឡេកមកមើលការតែងខ្លួនរបស់តារាប្រុសស្រីមួយគូនេះ ហាក់ដូចជាឯកឧត្តម និង លោកជំទាវអញ្ចឹងដែរ ដោយសម្លៀកបំពាក់សមសួនមែនទែន។

ជាពិសេស អ្នកលេងបណ្ដាញសង្គមដែលជាអ្នកគាំទ្របាននាំគ្នាចូលខមិនផងដែរថា អ្នកទាំងពីរសមនឹងឯកឧត្តម និង លោកជំទាវ បើមើលទៅតាមការតែងខ្លួនបែបនេះ។ លើសពីនោះ អ្នកគាំទ្រក៏ឆ្ងល់ដែរថា មានអ្វីថ្មី ទើបបានជា G-Devith និង ទេព បូព្រឹក្ស តុបតែងខ្លួនស្អាតបាតបែបនេះ៕

ប្រភព៖ G-Devith