ភ្នំពេញ៖ កាលពីយប់មិញនេះ រឿងរ៉ាវរបស់កញ្ញា ទេព បូព្រឹក្ស បានបង្កការភ្ញាក់ដល់សំណាក់មហាជនទូទាំងប្រទេសយ៉ាងខ្លាំង នៅពេលដែលនាងត្រូវគេជះស្រាបៀរលើ ខណៈនាងកំពុងតែច្រៀងនៅលើឆាក។
យ៉ាងណាមិញ ក្រោយពីរឿងរ៉ាវដ៏មិនគួរឲ្យជឿបែបនេះកើតឡើង មានមហាជនជាច្រើនកើតទុក្ខ មិនសុខចិត្តចំពោះបញ្ហានេះទាល់តែសោះ ហើយគ្រប់គ្នាបានបញ្ចេញមតិឲ្យសមត្ថកិច្ចត្រូវតែជួយរកយុត្តិធម៌ឲ្យនាង។
ម៉្យាងវិញទៀត ខណៈពេលដែលបញ្ហានេះទើបតែបញ្ចប់ភ្លាមៗ គេក៏សង្កេតឃើញមានតារាសម្តែងជើងចាស់មួយរូបគឺ អ្នកនាង ចន ច័ន្ទលក្ខិណា បានចេញមុខបង្ហោះសារ យ៉ាងក្តែងៗ ដើម្បីជួយកញ្ញា ទេព បូព្រឹក្សថា៖ “សូមបងប្អូនជួយស៊ែរម្នាក់មួយផងដើម្បីជួយរកយុត្តិធម៌ជូនប្អូនស្រីទេព បូព្រឹក្ស ។ បើក្នុងករណីគ្មានយុត្តិធម៌សម្រាប់ប្អូនស្រី Tep Boprek ទេ ស្អែកនេះ សមាគមសិល្បករខ្មែរ និងឲ្យមេធាវីទំនាក់ទំនងរកជនបង្កររួមទាំងបក្សពួក”។
ទោះជាយ៉ាងណាក្តី សម្រាប់រឿងរ៉ាវនេះដែរ បើនៅតែមិនមានដំណោះស្រាយណាមួយដល់កញ្ញា ទេព បូព្រឹក្ស នោះទេ អ្នកនាង ចន ច័ន្ទលក្ខិណា ដែលជាប្រធានសមាគមសិល្បករខ្មែរ នឹងចេញមុខតាមផ្លូវច្បាប់ ដើម្បីរកមុខជនដៃដល់ និងយុត្តិធម៌សម្រាប់ បូព្រឹក្ស ផងដែរ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
