ភ្នំពេញ៖ ប្រិយមិត្តជាច្រើនប្រាកដជាបានជ្រាបហើយថា តារាចម្រៀង និងតារាសម្តែងបែបកំប្លែង ដែលត្រូវបានគេស្គាល់ ហៅក្រៅថាកំប៉ោយ ចៅតា កំពុងតែសម្រាកព្យាបាល ជំងឺដ៏សាហាវ ត្រូវផ្លាស់ប្តូរឈាមជារៀងរាល់ថ្ងៃ ខណៈពេលដែលស្ថានភាពជំងឺកំពុងធ្ងន់ធ្ងរ គ្មានប្រាក់សម្រាប់ព្យាបាល។
ក្រោយពីទទួលបានដំណឹង ក៏ដូចជាបានដឹងពីហេតុផល នៃការធ្លាក់ខ្លួនឈឺរបស់លោកមក បានធ្វើឲ្យអ្នកគាំទ្រ និងមិត្តរួមសិល្បៈមានអារម្មណ៍ថាក្តុកក្តួលនៅក្នុងចិត្តជាខ្លាំង ព្រោះមិននឹកស្មានថាលោកធ្ងាក់ខ្លួនឈឺធ្ងន់បែបនេះសោះ។ ស្របពេលជាមួយគ្នានេះ ពួកគេពិតជាមិនមើលនឹងភ្នែកនោះទេ ដោយម្នាក់ៗបានចុះទៅសួរសុខទុក្ខ និងផ្តល់ថវិកាមួយចំនួនសម្រាប់ព្យាបាលដល់លោកផងដែរ។
ជាក់ស្តែងកាលពីពេលម្សិលមិញនេះ តារាពហុជំនាញដែលតែងតែជួយដល់លោកក្នុងរឿងនេះ បានបង្ហើបនូវវីដេអូដ៏ខ្លី ដែលអាចធ្វើឲ្យអ្នកទស្សនាក្តុកក្តួលបាន ព្រោះថាលោកបានដឹងខ្លួនហើយ ក៏ប៉ុន្តែមិនអាចនិយាយបាននោះទេ មានតែការខំប្រឹងញញឹមទៅកាន់អ្នកទស្សនាវីដេអូមួយនេះប៉ុណ្ណោះ។
ក្រោយពីបានឃើញបែបនេះ អ្នកគាំទ្រពិតជាអាណិតដល់លោកយ៉ាងខ្លាំង ដែលត្រឹមមួយរយៈពេលដ៏ខ្លី ស្រាប់តែជួបជាមួយជំងឺបែបនេះ ទាំងដែលគ្មានប្រាក់សម្រាប់ទុកព្យាបាល៕
សូមទស្សនាវីដេអូខាងក្រោមនេះ៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]