ភ្នំពេញ៖ កាលពីយប់មិញ មានការភ្ញាក់ផ្អើលខ្លាំងមែនទែន ដោយឃើញមានការបង្ហោះចេញពីគណនីហ្វេសប៊ុក ផ្លូវការ របស់តារាចម្រៀង និង សម្ដែង អ្នកនាង ឆៃ លីដាឡែន ពីរឿងទុក្ខសោក ដែលនាង បានបាត់បង់ លោកប៉ា ជាទីស្រលាញ់។
ក្នុងនោះ តារាស្រី ដ៏មានប្រជាប្រិយភាពលើភាពស៊ិចស៊ីរូបនេះ ក៏បានបញ្ចេញសារដ៏ខ្លីមួយ ដែលបានធ្វើឲ្យមហាជនអាណិតដល់រូបនាង យ៉ាងខ្លាំងថា ៖«ប៉ា ខ្ញុំ តែងតែមានប៉ាជាកំលាំងចិត្តរបស់កូន ហេតុអីប៉ាទៅចោលកូនអញ្ចឹង ប៉ាហេតុអីប៉ាទៅចោលម៉ាក់អញ្ចឹង ប៉ាតស៊ូជាមួយម៉ាក់ដើម្បីកូនៗយូរមកហើយហេតុអីប៉ាមិនព្រមនៅជាមួយម៉ាក់ដើម្បីអោយកូនបានមើលថែវិញ ពេលនេះប៉ាទៅចោលកូនហើយ ប៉ាទៅដោយមិនត្រឡប់មកវិញទេ សុំឲ្យវិញ្ញាណក្ខន្ធ ប៉ាទៅកាន់សុគតិភព »។ បន្ទាប់ពីឃើញសារយ៉ាងសោកសៅបែបនេះ អ្នកគាំទ្រក៏បានចូលរួមសោកស្តាយដល់ នាង និងគ្រួសារផងដែរ។
គួរបញ្ជាក់ផងដែរថា លោកប៉ា របស់នាង បានគាំងបេះដូងស្លាប់ភ្លាមៗតែម្តង កាលពីយប់មិញ ដែលធ្វើឲ្យគ្រួសារ សឹងមិនជឿនឹងភ្នែកថា បាត់បង់ប៉ាភ្លាមៗ ក្នុងពេលមិនដល់ប៉ុន្មាននាទីផង៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]