ភ្នំពេញ៖ សន្ទុះនៃប្រជាប្រិយភាពរបស់តារាសម្តែងកញ្ញាដួង ម៉ានិច កាន់តែខ្លាំងឡើង ក្រោយបានសម្តែងរឿងភាគខ្មែរល្បីៗជាច្រើន មិនត្រឹមតែប៉ុណ្ណោះ នាងក៏ទទួលបានការចាប់អារម្មណ៍ខ្លាំង ពីអ្នកគាំទ្រ តាមរយៈការសម្តែងរឿង«ភ្លើង»។
យ៉ាងណាមិញ ក្រោយពីសាងប្រជាប្រិយភាពបានយ៉ាងខ្លាំង តារាស្រីរូបនេះក៏មានផលិតករជាច្រើនបានចូលរួមហៅនាង ទៅថតរឿងថ្មីៗជាច្រើន រហូតរវល់សឹងតែរកពេលសម្រាកមិនចង់បាន ទាំងនេះហើយក៏ដោយសារតែសមត្ថភាព និងទេពកោសល្យដ៏ល្អរបស់នាង។
ជាក់ស្តែង កាលពីម្សិលមិញនេះទោះបីជានាងមានភាពមមាញឹកខ្លាំងបែបណាក្តី ក៏តារាស្រីរូបនេះមិនភ្លេចថ្ងៃពិសេសប្អូនប្រុសរបស់ខ្លួននោះទេ ដោយក្នុងនោះនាងក៏បានធ្វើការ Surprise ជាមួយនឹងនំខេក ធ្វើឲ្យប្អូនប្រុសរំភើបចិត្តយ៉ាងខ្លាំង។
តែអ្វីដែលគួរឲ្យចាប់អារម្មណ៍ជាងនេះនោះគឺ តារារូបនេះបានជូនកាដូមួយដ៏មានតម្លៃទៅកាន់ប្អូន ដែលនៅក្នុងនោះមានលុយដុល្លារជាច្រើនសន្លឹក បន្ទាបពីឃើញបែបនេះកាន់តែធ្វើឲ្យប្អូនប្រុសរបស់នាង កាន់តែរំភើបនៅក្នុងចិត្តកាន់តែខ្លាំងឡើងថែមទៀត។
ទន្ទឹមនឹងនេះអ្នកគាំទ្រ មិនភ្លេចសរសើរដល់តារារូបនេះ ដែលទោះបីជារវល់ខ្លាំងបែបណាក្តី ក៏នៅតែឆ្លៀតពេលពិសេសសម្រាប់គ្រួសារ ជាពិសេសមិនភ្លេចថ្ងៃកំណើតប្អូនប្រុសជាទីស្រលាញ់៕
សូមទស្សនាវីដេអូខាងក្រោមនេះ៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
