កម្សាន្ត៖ កាលពីថ្ងៃទី១០ ខែមេសា ឆ្នាំ២០២៤ ម្សិលមិញនេះ តារាសម្ដែងស្រីដ៏ល្បីល្បាញ ដួង ម៉ានិច បានចូលរោងការជាមួយនឹងកូនកម្លោះរូបសង្ហារ ហ៊ា ឆាត ដែលលោកគឺជាអ្នកបង្កើតវីដេអូ និងជាបុគ្គលមានមុខមាត់ក្នុងបណ្ដាញសង្គមម្នាក់ផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគួររំលឹកដែរថា កាលពីពេលកន្លងមកនេះ អ្នកទាំងពីរតែងតែបង្ហាញភាពផ្អែមល្ហែមនៅក្នុងប្រព័ន្ធអ៉ិនធើណែត ហើយទំនាក់ទំនងពួកគេក៏កាន់តែជិតស្និទរហូតឈានដល់មានថ្ងៃដឹកដៃគ្នាចូលរោងការបែបនេះ។ ជាពិសេស កាលពីមួយឆ្នាំមុន ២០២៣ គេឃើញថា ឪពុកម្ដាយទាំងសងខាងបានដឹងឮអស់ហើយ ទំនាក់ទំនងស្នេហាពួកគេក៏ច្បាស់លាស់ផងដែរ។
ក្រឡេកមកមើលថ្ងៃមង្គលការនេះវិញ គេឃើញកូនកម្លោះ និង កូនក្រមុំ ញញឹមយ៉ាងស្រស់ពព្រឹម ដូចជាមានក្ដីសុខពេញលេញក្នុងជីវិត។ ជាមួយគ្នានេះដែរ មានមិត្តៗសិល្បៈ ក៏ដូចជាមហាជន នាំគ្នាចូលរួមអបអរនៅក្នុងថ្ងៃដ៏ពិសេសមួយនេះ៕