ខេត្តកំពង់ចាម ៖ បុរសម្នាក់ទៅហូបការផឹកស៊ីស្រវឹងចេញមកវិញត្រូវជនដៃដល់ព្រួតគ្នាវាយហើមមុខពោរ បាក់ធ្មេញមុខអស់ និងបាក់គល់ថ្គាម កាលពីវេលាម៉ោង១២រំលងអធ្រាត្រឈានចូលថ្ងៃទី១៤ មីនា ស្ថិតក្នុងភូមិទួលសំបួរ ឃុំសំបួរ ស្រុកស្ទឹងត្រង់ ។
ជនរងគ្រោះឈ្មោះអ៊ី អ៊ិន អាយុ៣៥ឆ្នាំ មានទីលំនៅភូមិកើតហេតុខាងលើ ត្រូវសាច់ញាតិប្រាប់ឱ្យដឹងថា នៅថ្ងៃកើតហេតុជនរង គ្រោះបានទៅហូបការគេនៅក្នុងភូមិដែលមានចំងាយពីផ្ទះប្រមាណជិត១គីឡូម៉ែត្រ ហើយរាំធុងបាស់រហូតដល់ម៉ោង១២កណ្ដាលអធ្រាត្រ ។ តាមសម្ដីប៉ូលិសដែលនៅយាមល្បាតការពារក្នុងរោងការនោះបានឱ្យដឹងថា មុនពេលកើតហេតុជនរងគ្រោះបានចេញពីវង់រាំធុងបាស់ទាំងសភាពស្រវឹងជោកជាំដើរមកដល់កេះគាត់ហើយមើលមុខនិយាយថា វាយឯងងាប់ឥឡូវហើយ រួចក៏ដើរទៅបាត់ ។ លុះមួយសន្ទុះក្រោយមកស្រាប់តែមានការផ្អើលឆោឡោថាត្រូវគេវាយរងរបួសដេកដួលនៅចំងាយប្រមាណ១០០ម៉ែត្រពីរោងការ ។ ក្រោយពេលកើតហេតុជនរងគ្រោះត្រូវបានសាច់ញាតិយកទៅសង្គ្រោះនៅមន្ទីរពេទ្យបង្អែកឃុំសំបួរ ហើយបញ្ជូនទៅមន្ទីរពេទ្យខេត្ដកំពង់ចាម តែស្ថានភាពធ្ងន់ធ្ងរពេកបានបញ្ជូនទៅមន្ទីរពេទ្យព្រះកុសុមៈ។
ទោះបីជាយ៉ាងណាសាច់ញាតិរបស់ជនរងគ្រោះមិនហ៊ានអះអាងថា ជនរងគ្រោះត្រូវគេព្រួតវាយស្ទើរស្លាប់ស្ទើររស់នេះបណ្ដាល មកពីមូលហេតុអីទេ ឬអាចបណ្ដាលមកពីជនរងគ្រោះផឹកស៊ីស្រវឹងទៅរាំប៉ះជាមួយគេហើយប្រើពាក្យមិនសមរម្យដោយប្រការណាមួយទើបគេព្រួតវាយបែបនេះ ៕
.jpg)
ដោយ ៖ ប្រុសកោះ
ផ្តល់សិទ្ធដោយ កោះសន្តិភាព
សូមប្រិយមិត្តជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
