មើលទៅសាមញ្ញមែន តែ សុភ័ក្រ កុសុម៉ា ធ្វើខួបកំណើតឲ្យម្ដាយរបស់ខ្លួន ពោរពេញទៅដោយស្នាមញញឹម!

(ភ្នំពេញ)៖ ទស្សនិកជនប្រាកដជាបានស្គាល់ហើយ ពិធីការិនីដែលមានប្រជាប្រិយភាព វោហារស័ព្ទមិនចេះរីងស្ងួត កញ្ញា សុភ័ក្រ កុសុម៉ា។

ជាការពិតណាស់ តារាស្រីរូបនេះ មិនត្រឹមតែមានការគាំទ្រខ្លាំង ទៅលើអាជីពជាពិធីការីនីរបស់នាងតែប៉ុណ្ណោះទេ ប៉ុន្តែសូម្បីតែការសម្ដែងរបស់នាងវិញ ក៏មានលក្ខណៈបែបកំប្លុកកំប្លែង និងទាក់ទាញខ្លាំង ដែលជាហេតុរឹតតែធ្វើឲ្យប្រជាប្រិយភាពរបស់នាង កាន់តែស្ទុះឡើងទ្វេដង និងមានឈ្មោះបោះសំឡេងក្នុងវិថីសិល្បៈ ពីសំណាក់អ្នកគាំទ្រ។ 

បច្ចុប្បន្នគេសង្កេតឃើញថា កុសុម៉ា នាងតែងលេចមុខនៅតាមកម្មវិធីតូចធំនានាជាច្រើន ដែលហាក់មមាញឹកយ៉ាងខ្លាំង ក្នុងការងារសិល្បៈរបស់នាង សឹងតែដកឃ្លាពុំរួច។ ប៉ុន្តែបើទោះបីជាយ៉ាងនេះក្តី​ នាងក៏មិនភ្លេច ហើយក៏តែងតែផ្តល់ភាពកក់ក្តៅ និងនៅជិតគ្រួសាររបស់នាងជារឿយៗផងដែរ។  

ជាក់ស្តែង កាលពីថ្មីៗនេះ តារាស្រីសម្ដីចាក់ទឹកមិនលេចរូបនេះ ក៏បានបង្ហោះរូបភាពជាច្រើនសន្លឹក ពីទិដ្ឋភាពក្នុងថ្ងៃខួបកំណើតរបស់ម្ដាយនាង ដែលមើលទៅពិតជាសាមញ្ញមែនទែន។ 

ប៉ុន្តែអ្វីដែលគួរឲ្យចាប់អារម្មណ៍ខ្លាំងនោះ គឺម្ដាយរបស់នាង ពោរពេញទៅដោយស្នាមញញឹម និងទឹកមុខស្រស់ស្រាយ ដែលអាចបញ្ជាក់បានថា ជីវិតពោរពេញទៅដោយ ភាពរីករាយ ។ ក្នុងនោះផងដែរ ស្រីស្អាតរូបស្រស់ កញ្ញា សុភ័ក្រ កុសុម៉ា ក៏បានផ្សារភ្ជាប់នូវសារមួយថា៖

«រីករាយថ្ងៃកំណើតម្ចាស់ជីវិតកូន រស់នៅជាមួយកូនអោយបានយូរៗៗៗៗៗណាម៉ាក់សុខភាពល្អណាម៉ាក់ ជំងឺចង្រៃអោយចេញឆ្ងាយពីម៉ាក់ណាសំខាន់ក្រុមគ្រួសារអូនស្រលាញ់គ្នាកក់ក្តៅណាស់ ប៉ះមិនបានទេចា៎ហាហា ម៉ាក់កាដូកូនជូនរួចហើយស្អែករើសម៉ូតខ្លួនឯងណាអ្នកម្តាយកុំអោយថាទិញមិនត្រូវចិត្ត» ។

ទាំងនេះសបញ្ជាក់ឲ្យឃើញថា កញ្ញា សុភ័ក្រ កុសុម៉ា ពិតជាកូនស្រីដ៏ល្អមួយរូប ដែលតែងតែស្រលាញ់ និងនៅក្បែរគ្រួសារ ជាពិសេស មិនភ្លេចពីអ្នកម្តាយ បើទោះបីជានាងមមាញឹកខ្លាំងនឹងការងារក្តី ៕ 

ទស្សនារូបភាពខាងក្រោម៖ 

• សុភ័ក្រ កុសុម៉ា
• តារាខ្មែរ