ភ្នំពេញ៖ តារាចម្រៀងសំនៀងផ្អែមប្រចាំផលិតកម្មថោន កញ្ញា មាស សុខសោភា ថ្មីៗនេះទីផ្សារសិល្បៈរបស់នាង ហាក់មានសន្ទុះគួរឲ្យកត់សម្គាល់ ខណៈដែលមានរឿងរ៉ាវឯកជនផ្ទាល់ខ្លួន បានលេចឮឡើងថា នាងពិតជាពូកែរក្សាចំណងស្នេហ៍ជាមួយគូស្នេហ៍បានយ៉ាងយូរ រហូតដល់ទៅជាង១០ឆ្នាំឯណោះ។
ទោះបីចំពោះទំនាក់ទំនងស្នេហារបស់ ម្ចាស់បទ «បំពេរម្ដាយ» រូបនេះ មិនសូវបើកបង្ហាញឲ្យមហាជន បានជ្រាបក៏ពិតមែន ប៉ុន្តែអ្វីដែលគេចាប់អារម្មណ៍ រយៈពេលជាង១០ឆ្នាំមកនេះ មិត្តប្រុសសំណព្វចិត្តរបស់ មាស សុខសោភា ពិតជាបានតាមមើលថែនាងយ៉ាងល្អ មិនឲ្យផុតក្រសែភ្នែក ។
ព្រោះជារឿយៗ រាល់ពេលទៅសម្ដែងនៅតាមខេត្ត ឬចូលរួមកម្មវិធីធំៗនានា គេតែងតែឃើញ លោក បង្ហាញវត្តមានក្បែរកញ្ញាជានិច្ច មិនដែលខកខានឡើយ ។ ទង្វើមួួយនេះ បានធ្វើឲ្យទស្សនិកជន កាន់តែដឹងច្បាស់ថាលោក ពិតជាស្រលាញ់កញ្ញាខ្លាំងណាស់ ហើយនេះក៏ជាចំណុចពិសេសមួយ ដែលនាំឲ្យបេះដូង មាស សុខសោភា អាចផ្ទុកកម្លោះសង្ហារូបនេះ បានដល់ទៅសព្វថ្ងៃ៕
ចង់ជ្រាបច្បាស់តាមដានរូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]