ក្ដុកក្ដួលពេលឃើញសារ សូដា នីតា ផ្ញើជូនមិត្តសម្លាញ់ អាលីយ៉ា ខណៈដេកពេទ្យក្រោកមិនរួច

 ភ្នំពេញ៖ ក្រោយពីមានការភ្ញាក់ផ្អើលខ្លាំងនៅលើបណ្ដាញសង្គម ហ្វេសប៊ុក ពេលឃើញ វីជេ អាលីយ៉ា ធ្លាក់ខ្លួនឈឺធ្ងន់ សម្រាកនៅលើគ្រែមន្ទីរពេទ្យ និងមិនមានប្រាក់ដើម្បីព្យាបាលជំងឺ ដំណឹងនេះបានធ្វើឲ្យតារាសិល្បៈប្រុសស្រីតក់ស្លុតជាខ្លាំង។

ក្នុងនោះក៏មានតារាមួយចំនួន បានព្យាយាមស្វែងរកជំនួយដើម្បីជួួយសម្រាលបន្ទុកថ្លៃព្យាបាលរបស់នាង ទៅតាមលទ្ធភាពដែលពួកគេមានទៀតផង។

ដោយឡែកចំពោះតារាសម្ដែងល្បីឈ្មោះកញ្ញា សូដា នីតា ឯណោះវិញ នៅពេលបានដឹងពីស្ថានភាពនៃជំងឺរបស់មិត្តសម្លាញ់នេះភ្លាម នាងក៏បានបង្ហោះជាសារឆ្លងទ្វីបយ៉ាងកម្សត់ ដែលអាចឲ្យអ្នកអានក្ដុកក្ដួលសឹងស្រក់ទឹកភ្នែក  ។

ដោយកញ្ញាបានរៀបរាប់ថា៖ «ឆាប់ជាពួកម៉ាក កុំកើតអីឲ្យសោះណា ក្រោកឡើងឲ្យឆាប់ យើងនៅចាំសម្លាញ់អែងហៅយើងថា ( យាយស្វិតមិនចេះធាត់ )យើងហាមអែង មិនឲ្យគេងយូរទេណា ព្រោះយើងមិនចូលចិត្តអ្នកណាគេងយូរឡើយ ក្រោកឡើងសម្លាញ់»។

សារនេះបានបង្ហាញពីទឹកចិត្តរបស់ សូដា នីតា ដែលកំពុងមានការព្រួយបារម្ភជាខ្លាំង ចំពោះមិត្តសំណព្វចិត្ត ខណៈខ្លួនឯងនៅឆ្ងាយមិនអាចមកសួរសុខទុក្ខមិត្តដោយផ្ទាល់បាន ពិតជាខ្លោចចិត្តគួរឲ្យអាណិតណាស់៕

• សូដា នីតា
• អាលីយ៉ា
• តារាខ្មែរ