ក្នុងថ្ងៃកំណើតភរិយាខេមរៈ សិរីមន្ត ធ្វើសាមញ្ញៗតែពោរពេញដោយសុភមង្គលពីគ្រួសារ

ភ្នំពេញ៖ កាលពីម្សិលមិញនេះជាថ្ងៃពិសេសរបស់ភរិយា កំពូលតារាចម្រៀងប្រចាំផលិតកម្មរស្មីហង្សមាស លោកខេមរៈ សិរីមន្ត ដែលបានប្រព្រឹត្តទៅដោយមានការជួបជុំគ្នាពីសំណាក់ក្រុមគ្រួសារយ៉ាងមានភាពសប្បាយរីករាយ។

យ៉ាងណាមិញ ប្រិយមិត្តជាច្រើនប្រាកដជាបានជ្រាបរួចមកហើយថា ក្រោយពីតារារូបនេះបានបើកទម្លាយរឿងផ្ទាល់ខ្លួន ដែលអ្នកគាំទ្រជាច្រើនចង់ដឹងនោះ លោកក៏ចាប់ផ្តើមបណ្តើរភរិយាជាទីស្រលាញ់ទៅកម្មវិធីតូចធំនានាជាច្រើន។

ស្របពេលជាមួយគ្នានេះដែរ កាលពីម្សិលមិញនេះជាពិធីខួបកំណើតរបស់ភរិយាជាទីស្រលាញ់របស់លោក ដែលមានការរៀបចំធ្វើពិធីជួបជុំបងប្អូន ឫគ្រួសារបន្តិចបន្តួច តែមើលទៅពិតជាមានភាពសប្បាយរីករាយ និងពោរពេញដោយសុភមង្គលខ្លាំងមែនទែន។

តែទោះជាយ៉ាងណាក្តី អ្នកគាំទ្រ បានចាប់អារម្មណ៍ថាហាក់ដូចជាគ្មានវត្តមានរបស់ស្វាមីនាងគឺលោកខេមរៈ សិរីមន្ត ព្រោះថារាល់រូបភាពមិនបានឃើញតារារូបនេះឡើយ។ ដូច្នោះហើយទើបអ្នកគាំទ្រគិតថា ប្រហែលជាលោករវល់នឹងកិច្ចការមួយចំនួនដែលសំខាន់ហើយ ទើបបានជាមិនឃើញរូបលោកបែបនេះ៕

ចង់ជ្រាបច្បាស់សូមទស្សនារូបភាពខាងក្រោមនេះ៖ 

• ខេមរៈ​ សិរីមន្ត
• តារាខ្មែរ