ចាន់ កែវនិមល ផ្អែមល្ហែមម្ល៉េះទេ ជាមួយស្វាមីក្នុងថ្ងៃកំណើត

ភ្នំពេញ៖ ពិធីការិនី ចាន់ កែវនិមល កំពុងមានឈ្មោះបោះសម្លេងខ្លាំង នារយៈពេលចុងក្រោយនេះ ជាពិសេស អ្នកនាងតែងបង្ហាញមុខ ក្នុងកម្មវិធីធំៗជាច្រើន របស់ទូរទស្សន៍ហង្សមាស និងរស្មីហង្សមាស ដែលជាទ្រនំចាស់ឆ្នាំរបស់ខ្លួន។

យ៉ាងណាមិញ បើទោះបីជាមានការងាររវល់ច្រើនយ៉ាងណាក៏អ្នកនាង មិនដែលភ្លេចក្រុមគ្រួសាររបស់ខ្លួនដែរ ដោយកាលពីយប់មិញនេះ អ្នកនាង ចាន់ កែវនិមល ក៏បានបង្ហោះរូបភាពជាមួយគ្រួសារលើបណ្ដាញសង្គម ឲ្យឃើញពីស្នាមញញឹមស្រស់ ដើម្បីអបអរថ្ងៃកំណើតរបស់ខ្លួន។

អ្វីដែលគួរឲ្យចាប់អារម្មណ៍ ស្វាមីអ្នកនាងក៏បានជូនជាកាដូបាច់ផ្កាយ៉ាងធំ អមនឹងស្នាមថើបយ៉ាងផ្អែមល្ហែម ឃើញគួរឲ្យច្រណែនតែម្ដង។

រូបភាពទាំងនេះបង្ហាញច្បាស់ណាស់ថា បើជាមានវ័យជ្រេបន្តិចមែន ប៉ុន្តែពិធីការិនីរូបនេះនៅតែមានភាពផ្អែមល្ហែមជាមួយស្វាមី មិនចាញ់គូស្វាមីភរិយា ដែលទើបតែរៀបការថ្មីថ្មោងនោះទេ៕

ចង់ជ្រាបច្បាស់ទស្សនារូបភាពខាងក្រោម៖

• កែវ ចាន់និមល
• តារាខ្មែរ