ខេត្តស្ទឹងត្រែង ៖ អ្នកបើកបរស្ទើងភ្លើង និងព្រូម្នាក់បានបញ្ជារថយន្តកូរ៉េធុនតូចមួយគ្រឿងទៅបុករះរថយន្តម៉ូតូតាមចិញ្ចើមផ្លូវរួចជ្រុលទៅបុកទូលក់សាច់ខ្វៃ និងទូលក់ទូរស័ព្ទដៃលាន់ដូចរន្ទះ បណ្តាលឱ្យមនុស្សម្នានាំគ្នារត់ចែកជើងទាំងព្រលឹងចុងសក់កាលពីវេលាម៉ោង៤និង៥នាទីរសៀលថ្ងៃទី១២ មីនា ២០១២ នៅខាងកើតផ្សារស្ទឹងត្រែង ។
អ្នកឃើញហេតុការណ៍បានឱ្យដឹងថា មុនពេលកើតហេតុរថយន្តកូរ៉េបានដឹកទឹកបរិសុទ្ធមកដាក់តាមដេប៉ូឲ្យគេនៅផ្សារ ដោយមានអ្នកបើកបរ និងព្រូម្នាក់សុទ្ធសឹងជាយុវជនស្ទាវ។ បន្ទាប់ពីលើកទឹកបរិសុទ្ធដាក់ឲ្យដេប៉ូអស់ហើយនោះអ្នកបើកបរបានប្រើស្ទីលដូចរឿងកុនបញ្ឆះរថយន្តដាក់លេខដំឡើងម៉ាស៊ីនបើកចេញ ស្រាប់តែគេចមិនផុតក៏ទៅប៉ះ និងរថយន្តឡិចស៊ីសស៊េរី RX300 ហើយទៅប៉ះម៉ូតូឌ្រីមសេ១២៥ មួយគ្រឿង រួចជ្រុលទៅប៉ះម៉ូតូកង់បីមួយគ្រឿងទៀត ដោយភ័យស្លន់ស្លោរឹតតែបើកបន្តទៅទៀត ក៏ជ្រុលទៅបុកទូលក់សាច់ខ្វៃ និងទូលក់ទូរស័ព្ទដៃដាក់តាំងក្បែរគ្នា បណ្តាលឲ្យបែកខ្ចាយខ្ទាតសាច់ខ្វៃរាយប៉ាយពេញដី។ តែសំណាងល្អមិនបណ្តាលឲ្យអ្នកណាម្នាក់រងគ្រោះដល់អាយុជីវិតឡើយ។
មន្ត្រីប៉ូលិសចរាចរផ្លូវគោកបានឲ្យដឹងថា អ្នកបើកបរដែលបង្កឲ្យខូចខាតដល់ព្រទ្យសម្បត្តិអ្នកដទៃនេះឈ្មោះនី សុន អាយុ២៥ឆ្នាំ រស់នៅភូមិស្រែពោធិ៍ សង្កាត់ស្រះឫស្សី ក្រុងស្ទឹងត្រែង ជាកម្មករដឹកទឹកបរិសុទ្ធ និងទឹកកករបស់ម្ចាស់ស្ថាននីយប្រងឥន្ទៈដែងភារម្យ និងព្រូម្នាក់ទៀតឈ្មោះអ៊ុង ជាកម្មករដូចគ្នា។ ក្រោយពេលហេតុការណ៍នេះកើតឡើងគេបានឃើញវត្តមានម្ចាស់ស្ថានីយប្រេងឥន្ទនៈ ចេញមុខមកដោះស្រាយលើការខូចខាតទាំងនោះដែរ ៕
ដោយ ៖ ប្រុសកោះ
ផ្តល់សិទ្ធដោយ កោះសន្តិភាព
សូមប្រិយមិត្តជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]