ផុតពីប្រទេសខ្មែរ អេនជី និងស្វាមី ទៅក្រេបទឹកឃ្មុំ ដល់ក្រៅប្រទេសទៀត

វៀតណាម៖ ដូចប្រិយមិត្តបានដឹងហើយថាកាលពីប៉ុន្មានថ្ងៃកន្លងទៅមកនេះ អតីតតារាចម្រៀងដ៏ល្បីឈ្មោះអ្នកនាង អេនជី និងស្វាមី បាននាំគ្នាជាមួយនឹងគ្រួសារ ដើរលេងកម្សាន្តនៅក្នុងប្រទេសខាងខេត្តកោះកុង យ៉ាងផ្អែមល្ហែមនឹងគ្នា បន្ទាប់ពីរៀបការសាងសុភមង្គលជាមួយមនុស្សដែលខ្លួនស្រលាញ់រួចមក។

មិនទាន់បានប៉ុន្មានថ្ងៃផង នាង និងស្វាមី ក៏បានដឹកដៃគ្នាទៅផ្អែមល្ហែមតែ២នាក់ នៅក្រៅប្រទេស យ៉ាងមានសុភមង្គល និងធ្វើឲ្យហ្វេនមួយចំនួនច្រណែនគ្រប់គ្នា។

យ៉ាងណាមិញ ក្រោយពីបានដើរលេងលំហែអារម្មណ៍ជាមួយស្វាមី តារារូបនេះក៏មិនភ្លេចបង្ហោះរូបភាពនៅក្នុងបណ្តាញសង្គមរបស់ខ្លួនដែរ។ នៅក្នុងនោះ ឃើញថានាងបានបញ្ចេញភាពផ្អែមល្ហែមនឹងគ្នា អោបថើបគ្នា ខណៈពេលដែលជិះទូក បូករួមជាមួយនឹងទេសភាពបែបធម្មជាតិ។

តាមរយៈរូបភាពទាំងនេះ ធ្វើឲ្យអ្នកគាំទ្រ ក៏ដូចជាអ្នកលេងបណ្តាញសង្គមជាច្រើនច្រណែនជាមួយសុភមង្គលបែបនេះណាស់ ហើយក៏អ្វីដែលមនុស្សគ្រប់គ្នាប្រាថ្នាចង់បានផងដែរ៕

ចង់ជ្រាបច្បាស់ទស្សនារូបភាព ខាងក្រោមនេះ៖ 

• អេន ជី
• វីដេអូ
• តារាខ្មែរ