សាពូន មីដាដា ហាក់នៅអាល័យវិថី ដែលធ្លាប់ដើរមួយនេះ

ភ្នំពេញ ៖ ដូចដែលមហាជនជាច្រើន បានធ្លាប់ស្គាល់រួចមកហើយថា អតីតតារាចម្រៀងក្នុងផលិតកម្មរស្មីហង្សមាស លោក សាពូន មីដាដា ដែលធ្លាប់មានឈ្មោះល្បីល្បាញនាពេលកន្លងមក លោកបានផ្អាកពីវិថីសិល្បៈចម្រៀងរបស់លោកអស់ជាច្រើនឆ្នាំមកហើយ។

យ៉ាងណាមិញ កាលពីថ្ងៃទី ២៤ ខែមេសា កន្លងទៅនេះ លោកបានបង្ហោះសារមួយដែលធ្វើឲ្យមហាជន មានការងឿងឆ្ងល់ជាខ្លាំង ដោយអ្នកគាំទ្រគិតថា លោក សាពូន មីដាដា ហាក់នៅនឹកស្រណោះ សម្លេងដែលលោកធ្លាប់ច្រៀង និងអនុស្សាវរីយ៍ជាច្រើនដែលធ្លាប់ឆ្លងកាត់ នៅក្នុងវិស័យសិល្បៈចម្រៀងមួយនេះ ។

ជាក់ស្ដែង តាមរយៈសារដែលម្ចាស់បទ ‹‹និយមន័យស្នេហ៍›› រូបនេះ បានលើកឡើងឲ្យដឹងថា «១៤ឆ្នាំមុន ១៤ឆ្នាំក្រោយ ពេលវេលាចេះតែរសាត់ទៅបាត់ឈឹង គ្មាននឹកស្រណោះយើងប៉ិនសសៃសក់ឡើយ មានតែដួងចិត្តយើងទេ ដែលតែងតែផ្ទុកនូវកម្រងអនុស្សាវរីយ៍ឡើងគរជាកំនរកំពស់ភ្នំ ហើយនឹកឃើញម្តងៗធ្វើឲ្យមានសេចក្តីសុខផង ឈឺចាប់ផង លាយឡំគ្នាដូចសម្លចាប់ឆាយ ខែចូលឆ្នាំចិនអ៉ីចឹង .... ››៕ 

• សាពូន មីដាដា
• តារាខ្មែរ