ភំ្នពេញ ៖ តាំងពីចែកផ្លូវពី អតីតភរិយាមក តារាសម្តែង លោក យែម សំអូន នៅតែរក្សាទំនាក់ទំនងយ៉ាងជិតស្និទ្ធ ជាមួយកូនស្រីសំណព្វចិត្ត របស់លោក។
ជាក់ស្ដែង ជារៀងរាល់ឆ្នាំ លោកតែងតែ ជិះយន្តហោះទៅប្រទេសអូស្រ្តាលី ដើម្បីធ្វើខួបកំណើតឲ្យកូនស្រីរបស់លោក ប៉ុន្តែដោយសារតែឆ្នាំនេះ លោករវល់ការងារដែលខកខាន មិនបានទៅ ដូច្នេះលោកសម្រេចចិត្ត ធ្វើខូបកំណើតឲ្យកូនស្រី របស់លោកពីចម្ងាយ។
ទន្ទឹមនឹងនោះ លោកបានសរសេរសារ នៅលើវីដេអូ ដែលបានបង្ហោះនោះថា ៖ « 11-04-2018 Happy BD my sweet love Princess ទោះបីយើងនៅឆ្ងាយគ្នា និងសម្ពាធការងារច្រើនយ៉ាងណាក៍ ប៉ាមិនដែលថាភ្លេច គិតនិងនឹកកូនឡើយ។ រីករាយថ្ងៃកំណើត កូនស្រីមាស ឪពុក ថ្ងៃនេះជាថ្ងៃពិសេសរបស់ កូនស្រីតែមួយសំណប់ចិត្តខ្ញុំ យ៉ែម វិរូនីខា _សំអូន វិថាណា គម្រប់ខួប១៧ឆ្នាំ ហើយមានអារម្មណ៍ខ្លួនឯងរៀងចាស់បន្តិចទៀតដែរ តែអ្វី ដែលរឹតតែអសច្ចាជាងនេះមោទនភាពរបស់ខ្ញុំក្នុងនាម ជាឪពុកមួយរូប ពិតជារំភើបស្ទើរតែរកពាក្យអ្វីយករៀបរាប់ពុំបានឡើយ ឆ្លងកាត់ពេលវេលាយ៉ាងយូរ កូនគឺមនុស្ស ដែលអាចនិយាយបានថា មហាអស្ចារ្យ កូនផ្ដល់អោយឪពុកច្រើនលើសលប់ដែលប៉ាមិនអាចកាត់ថ្លៃបាន ប៉ា ចង់ប្រាប់កូនថា កូនស្រីគឺជាដុំពេជ្រ ជាកែវភ្នែកទាំងគូ និងជាជីវិតរបស់ប៉ា»។
ទាំងនេះ អាចបញ្ជាក់បានថា រូបលោក ពិតជាស្រលាញ់ និងមិនដែលភ្លេចថ្ងៃសំខាន់ របស់កូនស្រីនោះឡើយ បើទោះបី មមាញឹកក្នុងការងារប៉ុណ្ណាក៏ដោយ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]