ព្រោះតែសល់ក្តីប្រាថ្នាច្រើនសម្រាប់ម្តាយឪពុក! ទោះ កុសុម៉ា ធ្វើការច្រើនរហូតឈឺបែបនេះ ក៏នាងនៅតែខំប្រឹង

ភ្នំពេញ៖ ពិធីការិនីដ៏មានប្រជាប្រិយភាព កញ្ញាសុភ័ក្រ កុសុម៉ា បច្ចុប្បន្ន កំពុងតែ​ទាញយកប្រជាប្រិយភាពពីទស្សនិកជនជាច្រើន តាមរយៈការផ្តល់ភាពសប្បាយចំពោះអ្នកគាំទ្រ។

យ៉ាងណាមិញ ពីមួយថ្ងៃទៅមួយថ្ងៃ ឃើញថានាងកាន់តែមមាញឹកខ្លាំងនៅក្នុងវិស័យសិល្បៈ ជាមួយនឹងការធ្វើពិធីការិនី ទៅតាមកម្មវិធីធំៗ និងតូច ជាច្រើនទៀតរកពេលសឹងតែសម្រាកគ្មាន។

ទន្ទឹមនឹងភាពជោគជ័យរបស់តារារូបនេះ ឃើញថាជីវភាពរបស់នាងកាន់តែប្រសើរជាងមុនគួរឲ្យកត់សម្គាល់។ ជាក់ស្តែង នៅក្នុងបណ្តាញសង្គមរបស់នាងបានបង្ហោះរូបភាពជើងដែលក្រហម និងមានស្នាម ដោយភ្ជាប់ជាមួយសារមួយថា៖ «ឈឺណាស់ ចុកណាស់ ឈរថតតាំងពីព្រឹក តែនៅតែមិនខ្ជិលព្រោះជាការងារដែរយើងស្រលាញ់ ហើយរាល់ថ្ងៃយើងមានជីវភាពល្អប្រសើរដោយសារការងារមួយនេះ ចឹងត្រូវស៊ូព្រោះគ្រួសារនៅចាំនៅផ្ទះ ក្តីស្រម៉ៃនៅសល់ច្រើនដើម្បីប៉ាម៉ាក់ តស៊ូយូរឆ្នាំហើយទម្រាំមានថ្ងៃនេះចឹងគ្មានអីជាឧបសគ្គទេ ចឹងត្រូវខំ»។

ស្របពេលជាមួយគ្នានេះដែរ អ្នកគាំទ្រមួយចំនួនពិតជាអាណិត ខណៈពេលដែលមានពាក្យសរសើរមួយចំនួន ដែលនាងបានខិតខំបែបនេះដើម្បីតែគ្រួសារ ឪពុកម្តាយ ទោះបីនាងហត់ខ្លាំងបែបណាក៏មិនថ្វី ឲ្យតែបានសម្រេចបំណងរបស់ម្តាយ ឪពុករបស់នាង៕ 

• សុភ័ក្រ កុសុម៉ា
• តារាខ្មែរ