ទើបតែជាមិនទាន់បានស្រួលបួលផង ម្សិលមិញ នាយ វីតាមីនសេ ចូលសង្គ្រោះបន្ទាន់ទៀត!

ភ្នំពេញ៖ ប្រិយមិត្តជាច្រើនប្រាកដជាបានដឹងហើយថា មួយរយៈចុងក្រោយនេះ តារាកំប្លែងជើងចាស់នាយវីតាមីនសេ បានធ្លាក់ខ្លួនឈឺជាទម្ងន់ តែក្រោយមកក៏មានការជួយឧបត្ថម្ភ ដល់លោក ជាមួយនឹងការព្យាបាលនៅប្រទេសក្រៅ ទើបធ្វើឲ្យលោកបានធូរស្បើយជាងមុន។

មិនត្រឹមតែប៉ុណ្ណោះ ក៏អាណិតដល់កូនស្រី អ្នកនាងប៉េងប៉ោង ដែលព្យាយាមព្យាបាលឪពុកខ្លួន ទោះត្រូវលក់របស់មានតម្លៃនានាក៏នាងព្រម លើសពីនេះក្រោយពីលោកបានធូរស្បើយ អ្នកគាំទ្រជាច្រើន ពិតជាមានភាពសប្បាយរីករាយមែនទែន។

តែមិនបានប៉ុន្មានផង ពេលនេះក៏បានលេចដំណឹងមួយថានាយវីតាមីនសេ កាលពីម្សិលមិញនេះ បានចូលសង្គ្រោះបន្ទាន់នៅមន្ទីរពេទ្យកាល់ម៉ែត ដែលជំងឺទឹកនោមផ្អែមរបស់លោកធ្លាក់ចុះ និងធ្វើទុក្ខនៅក្នុងខ្លួនខ្លាំង បណ្តាលឲ្យឈាមរបស់លោកខ្វះ ទើបធ្វើឲ្យលោក កើតជំងឺខ្វះគ្រាប់ឈាមតែម្តង។

ដូច្នោះហើយទើបអ្នកនាងប៉េងប៉ោង មានក្តីបារម្ភពីលោកឪពុកយ៉ាងខ្លាំងក៏ប្រញាប់បញ្ជូនលោកទៅមន្ទីរពេទ្យទាន់ពេលវេលា បើមិនដូច្នោះជំងឺមួយនឹងអាចនឹងប្រឈមនឹងគ្រោះថា្នក់បាន៕ 

• នាយ វីតាមីន​សេ
• តារាខ្មែរ