(ភ្នំពេញ)៖ ការធ្វើអំពើល្អរមែង ជួបនឹងអំពើល្អស្នងមកវិញ ខណៈសិល្បករ -សិល្បការិនីខ្មែរ ៦ដួង បានធ្វើឲ្យមហាជន កោតសរសើរជាខ្លាំង ដោយសារតែការធ្វើសកម្មភាពល្អៗជាច្រើន ដើម្បីសង្គម ដូចជាប្រឆាំងនឹងអំពើពុករលួយជាដើម។ យ៉ាងណាមិញ តារាចម្រៀង និងតារាសម្ដែងទាំង ៦ដួងនោះ គឺទទួលបានគ្រឿងឥស្សរិយស ដោយសារតែការធ្វើសកម្មភាពប្រឆាំង នឹងអំពើពុករលួយ។
ជាការពិតណាស់ កាលពីថ្ងៃទី ១២ ខែធ្នូ ឆ្នាំ២០១៧ ម្សិលមិញនេះ មានសិល្បករ -សិល្បការនី៦ដួង បានចូលរួមអបអរសាទរ ទិវាជាតិ-អន្តរជាតិ ប្រឆាំងអំពើពុករលួយ ៩ ធ្នូ ឆ្នាំ២០១៧ ក្រោមប្រធានបទ «បេះដូងគ្រូពេទ្យ បេះដូងប្រជាជន» ដែលកម្មវិធីនេះ ធ្វើឡើង នៅវិទ្យាស្ថានបច្ចេកវិទ្យាកម្ពុជា (សាលាតិចណូ)។ បន្ទាប់ពីបានធ្វើការសម្តែងរួច គេសង្កេតឃើញថាសិល្បករ និងសិល្បការនីល្បីៗ ៦រូបនោះ ទទួលបាននូវគ្រឿងឥស្សរិយស ដោយសារតែការបង្ហាញនូវសកម្មភាពយ៉ាងសកម្មក្នុងការចូលរួមប្រឆាំងនឹងអំពើពុករលួយ។
គួរបញ្ជក់ផងដែរថា សិល្បករ-សិល្បការិនី ទាំង៦ដួងនេះរួមមាន កញ្ញា មាស សុខសោភា, អ្នកនាង សុគន្ធ និសា, អ្នកនាង ញឹម ច័ន្ទថន, កញ្ញា សុខ ពិសី លោក ខាន់ ជេម និងលោក ខេម ដោយក្នុងនោះក៏មានតារាកំប្លែងក្រុមលោកតា វ៉ិច ទ័រ ក៏ទទួលបាននូវគ្រឿងឥស្សរិយសផងដែរ គឺនាយគ្រឿន៕
ប្រភព៖ khmertlaking
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]