ភ្នំពេញ៖ មិនទាន់ដល់ថ្ងៃខួបកំណើតស្រួលបួលផង តារាចម្រៀងស្រី ដែលនិយមលេងស្ទីលបរទេស កញ្ញា ទេព បូព្រឹក្ស ត្រូវកម្លោះសង្ហា ដេវីត ជូនកាដូ ទូរស័ព្ទ Iphone X ថ្មីស្រឡាងមួយគ្រឿងទៅហើយ។
ប៉ុន្ដែអ្វីដែលគួរឲ្យច្រណែនជាងនេះទៀតនោះ កាលពីម្សិលមិញនេះ ម្ចាស់បទ «ចឹកមួយ» រូបនេះ ក៏បានបង្ហោះរូបនាឡិកាដៃម៉ាកល្បី ដែលមានតម្លៃខ្ពស់ ក្នុងបណ្ដាញសង្គម ថែមទាំងសរសេររៀបរាប់ ស្ដែងពីអារម្មណ៍រំភើប ដែលកញ្ញាទទួលកាដូជាលើកទី២ ពីដៃគូចម្រៀងខ្លួន ពោលគឺលោក ដេវីត តែម្ដង។
ក្នុងនោះកញ្ញា ក៏បាន សរសេរថា៖ « My second gifts from dit way Ngoun Chan Davith អត់មានពាក្យអីនិយាយទេ ក្រៅពីចង់ប្រាប់ថារំភើប ស្មានគេឲ្យខ្ចីពាក់ដឹងអីគេធ្វើឲ្យសោះ គេថាធ្វើឲ្យមួយដែល កុំឲ្យច្រណែន Thank thank thank thank សង្ហាហើយចិត្តល្អទៀតកូនគេ ជាពិសេសអរគុណ @seng Chenda Ra Rith ម៉ូតយ៉ាងមិចក៏ធ្វើដូចដែរ»។
ទង្វើនេះបង្ហាញច្បាស់ណាស់ថា អ្នកទាំងពីរមិនត្រឹមតែជាដៃគូចម្រៀងដ៏ល្អទេ ចំណែកទំនាក់ទំនងក្រៅការងារ ក៏ស្និទ្ធស្នាលមិនធម្មតាដែរ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]