នី មុនីនាថ និងអតីតគូដណ្តឹង​ កំពុងចេញសារឆ្លើយឆ្លង សាហាវរៀងៗខ្លួន

ភ្នំពេញ៖ តារាសម្តែងស្រីល្បីឈ្មោះកញ្ញា នី មុនីនាថ ត្រូវបានអតតីគូដណ្តឹងរបស់ខ្លួន គឺលោក អ៊ឹង សូឡាង ដាក់ពាក្យបណ្តឹងទៅតុលាការពីបទឆបោក និងរំលោភលើ សេចក្តីទុកចិត្ត ដោយទាមទារសងជំងឺចិត្តនូវទឹកប្រាក់ជាច្រើនម៉ឺនដុល្លារ។ 

ប៉ុន្តែរហូតរមកដល់ពេលនេះកញ្ញា នី មុនីនាថ មិនទាន់ចូលបង្ហាញខ្លួនតុលាការតាមការកោះហៅនៅឡើយនោះទេ ដោយមានព័ត៌មានលេចឮថានាងបានគេចខ្លួនទៅអាមេរិក។

ក្នុងនោះដែរ ពេលឃើញព័ត៌មានក្នុងស្រុកចុះផ្សាយថាកញ្ញាបានចេញទៅក្រៅប្រទេសដូច្នេះ នាងក៏បានអះអាងដូច្នេះថា៖ «នាងខ្ញុំ នី មុនីនាថ សូមបញ្ចាក់ថានាងខ្ញុំគ្មានគេចទៅណាទេនាងខ្ញុំនៅក្នុងប្រទេសកម្ពុជាដដែល តែមានតែអតីតគូដណ្ដឹងរបស់នាងខ្ញុំទេ ដែលគាត់មិននៅក្នុងប្រទេសកម្ពុជា អ៊ីចឹងសូមមេត្តាពិចារណាផង (បើបងពិតជាស្មោះត្រង់ បងមកកម្ពុជាមកណា៎អូនចាំបង)»។  

ទន្ទឹមនឹងនេះ លោក អ៊ឹង សូឡាង ដែលត្រូវជាអតតីគូដណ្តឹងកញ្ញា នី មុនីនាថ ក៏បានឆ្លើយតបមកវិញ នៅលើហ្វេសប៊ុករបស់ខ្លួនដែរ ដែលបង្កប់នូវអត្ថន័យធ្ងន់ៗ។ 

ពេលនេះរឿងក្តីរបស់អ្នកទាំងពីរ​ ត្រូវបានមហាជនមួយចំនួន ជាពិសេសគឺអ្នកគាំទ្ររបស់កញ្ញា នី មុនីនាថ ផ្ទាល់ ក៏កំពុងតែតាមដានយ៉ាងខ្លាំងផងដែរថា តើអតីតគូស្នេហ៍មួយគូនេះ អាចបញ្ចប់ជម្លោះក្នុងរឿងក្តីរបស់ខ្លួនដោយរបៀបណា? 

• នី មុនីនាថ