ចូលរួមដោយសេរី ក្នុងកម្មវិធី ACE Open Day ដើម្បីស្វែងយល់អំពីកម្មវិធីសិក្សា នៅសាលា ACE

សូមស្វាគមន៍សិស្សានុសិស្ស និងអាណាព្យាបាលទាំងអស់មកចូលរួមកម្មវិធី ACE Open Day ដើម្បីស្វែងយល់អំពីកម្មវិធីសិក្សានៅសាលា ACE ដោយសេរី

សាលា ACE នឹងរៀបចំកម្មវិធី ACE Open Day ដែលមានរយៈពេលបីថ្ងៃពេញចាប់ពីថ្ងៃទី១៤ ដល់ ១៦ ខែកញ្ញា ឆ្នាំ២០១៧។ កម្មវិធីនេះធ្វើទ្បើងសម្រាប់សិស្សានុសិស្ស និងមាតាបិតា ដែលមានបំណងស្វែងយល់អំពីកម្មវិធីសិក្សានៅសាលា ACE និងអត្ថប្រយោជន៍ពិសេសផ្សេងៗមុននឹងសំរេចចិត្តចូលចុះឈ្មោះចូលរៀន។ កម្មវិធីនេះមាន ការទស្សនាបន្ទប់រៀន និងសម្ភារៈសិក្សានានា ធ្វើតេស្តវាស់កម្រិតភាសាអង់គ្លេសដោយឥតគិតថ្លៃ ចូលរៀនសាកល្បងដោយសេរី ឬប្រឹក្សាយោបល់ជាមួយគ្រូជំនាញពីរបៀបសិក្សាភាសាឲ្យឆាប់ចេះ។ បន្ថែមពីនេះទៀត សិស្សានុសិស្សក៏ទទួលព័ត៌មានអំពីអាហារូបករណ៍ និងការសិក្សានៅបរទេស ព្រមទាំងចូលរួមកម្មវិធីសប្បាយៗ ដើម្បីបង្កើនចំណេះ និងអាចឈ្នះរង្វាន់អនុស្សាវរីយ៍ផ្សេងៗទៀតផង។

កម្មវិធី ACE Open Day កាលពីវគ្គសិក្សាទី៣ បានប្រព្រឹត្តិទៅប្រកបដោយភាពជោគជ័យដោយមានអ្នកចូលរួមប្រមាណជាង ២០០០នាក់។ យុវសិស្ស ប៊ុនរិទ្ធ បានផ្តស់ចំណាប់អារម្មណ៍ ចំពោះកម្មវិធីនេះថា “ខ្ញុំបានធ្វើតេស្ដវាស់ ស្ទង់សមត្ថភាពដោយឥតគិតថ្លៃ ហើយគាត់ទទួលបានព័ត៌មានជាច្រើនទាក់ទង នឹងកម្មវិធីសិក្សារបស់សាលា ACE ដូចជា ភាសាអង់គ្លេសទូទៅ និង ភាសាអង់គ្លេសសម្រាប់និសិត្សមហាវិទ្យាល័យ។”

ស្រដៀងគ្នានេះដែរ សុភក្រ្ដនាថ ដែលជាសិស្សមកពីវិទ្យាល័យទួលទំពូងបាននិយាយថា “ខ្ញុំទទួលបានព័ត៌មានជាច្រើនទាក់ទង នឹងការសិក្សានៅបរទេស ព័ត៌មានទាក់ទងនឹងការធើ្វតេស្ដ IELTS ជាពិសេសចូលរួមលេងល្បែងកំសាន្ដ និងឈ្នះរង្វាន់ថែមទៀតផង។”

គួរបញ្ជាក់ដែរថា សាលា ACE ជាសាលាឈានមុខគេក្នុងការបណ្ដុះបណ្ដាលភាសាអង់គ្លេសដែលមានកម្មវិធីសិក្សាជាច្រើន រូមមានភាសាអង់គ្លេសសម្រាប់កុមារ ចាប់ពីអាយុ៨ឆ្នាំ ដល់១៥ឆ្នាំ ភាសាអង់គ្លេសទូទៅ និងភាសាអង់គ្លេសសម្រាប់ការសិក្សានៅបរទេស និងកម្មវិធីសម្រាប់អ្នកជំនួញ និងវគ្គត្រៀមប្រឡងតេស្ត IELTS ។

កម្មវិធី ACE Open Day នឹងត្រូវរៀបចំឡើងចាប់ពីម៉ោង ៨ ព្រឹក រហូតដល់ម៉ោង ៥ រសៀល នៅគ្រប់ទីតាំងទាំងបួនរបស់សាលា ACE នៅទីក្រុងភ្នំពេញ និងខេត្តសៀមរាប។

សូមស្វាគមន៍ សិស្សានុសិស្ស និងមាតាបិតាចូលរួមដោយសេរី៕

• សាលា