ភ្នំពេញ៖ តារាចម្រៀងស្រីវ័យក្មេងជាងគេ កញ្ញា រ៉េត ស៊ូហ្សាណា កំពុងតែទទួលបានប្រជាប្រិយភាពខ្លាំង និងកំពុងក្តោបស្ពតពាណិជ្ជកម្មធំៗជាច្រើននៅក្នុងដៃ។
ដោយបច្ចុប្បន្ននេះ នាងក៏រឹតតែទទួលបានការចាប់អារម្មណ៍ខ្លាំង ពីសំណាក់មហាជន ក្រោយពីបានចាប់ដៃគូជាមួយនឹង តារាចម្រៀងប្រុសសង្ហាដូចតួកូរ៉េលោក STEP ចេញបទចម្រៀងស្នេហារ៉ូមែនទិករួមគ្នាផងដែរ។
ជាក់ស្តែង ទន្ទឹមនឹងការងារសិល្បៈកំពុងដើរទៅមុខយ៉ាងរលូនហើយ ក្នុងនោះអ្នកគាំទ្រក៏ចាប់អារម្មណ៍ឃើញថា សម្រស់របស់ ហ្សាណា ក៏កាន់តែស្រស់ស្អាតជាងមុនថែមទៀតផង។ តាមរយៈរូបថតក្នុងឈុតហែលទឹក ដែលតារាស្រីរូបនេះ ទើបតែបង្ហោះកាលពីប៉ុន្មានម៉ោងមុន បានបង្ហាញឲ្យឃើញថា កញ្ញា ហ្សាណា មានរូបរាងស្គម ជាងកាលពីចូលសិល្បៈដំបូងទៅទៀត។
ជាការពិតណាស់ ក្នុងនាមជាតារាមួយរូប គឺត្រូវតែផ្លាស់ប្តូរខ្លួនជានិច្ច មិនថាតែសមត្ថភាព ការតុបតែងខ្លួន និងរូបសម្រស់ជាដើម ដែលជាពិសេសនោះ គឺត្រូវរិះរកអ្វីដែលប្លែកៗ សម្រាប់បំពេញនូវចំណីអារម្មណ៍របស់ទស្សនិកជនផងដែរ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]