ចាំមួយឆ្នាំទៀតមិនបាន កែវ វាសនា ក៏សម្រេចចិត្តយកបន្ថែមនៅឆ្នាំនេះ!

ភ្នំពេញ៖ តារាចម្រៀងប្រុស លោក កែវ វាសនា បានផ្ដាច់ខ្លួនពីភាពនៅលីវប្រមាណជាជាងមួយឆ្នាំមកហើយ បើគិតដល់សព្វថ្ងៃ។

ទោះបីមានគ្រួសារមែនពិត តែប្រជាប្រិយភាពរបស់លោក នៅតែមិនអន់ថយទេ ព្រោះទឹកដមសម្លេងហាក់គ្មានការប្រែប្រួលគួរកត់សម្គាល់ឡើយ។

បន្ទាប់ពីរៀបការរួច ម្ចាស់បទ«កុលាបពុលដី» និងភរិយា ក៏ទទួលបានចំណងដៃធំមួយ នោះគឺជាកូនប្រុសសំណព្វចិត្ត ដែលមានមុខមាត់គួរក្នាញ់តែម្ដង។

ប៉ុន្តែរឿងមួយដែលគួរឲ្យភ្ញាក់ផ្អើលនោះ ចំពោះកូនប្រុសលោក កែវ វាសនា នៅមិនទាន់ចេះដើរផង ស្រាប់តែភរិយាដ៏ស្រស់ស្អាតរបស់លោក បានបង្ហោះសារក្នុងបណ្ដាញសង្គម អមនឹងលទ្ធផលមួយសន្លឹក ដែលបង្ហាញពីដំណឹងល្អថា៖«ប្តីអើយប្តីចាំមួយឆ្នាំទៀតមិនបាន ចង់បាននោះចង់ឡូវបានដូចចិត្តហើយ»។

សារ និងរូបភាពមួយនេះបានបញ្ជាក់យ៉ាងច្បាស់ថា ភរិយាលោក កំពុង ពពោះកូនទី២ នេះជាកាដូធំមួយទៀតសម្រាប់ឆ្នាំនេះ បន្ទាប់ពីរូបលោកនិងប្រពន្ធ បានកាដូកូនប្រុសនាឆ្នាំមុនម្នាក់រួចទៅហើយ។

យ៉ាងណាមិញ ភរិយាលោក កែវ វាសនា មិនទាន់បានបង្ហើបប្រាប់ថា កូនទី២នេះជាកូនប្រុសឬស្រី នៅឡើយនោះទេ។ យើងក៏សូមជូនពរឲ្យសុខភាពម្ដាយកូនអ្នកទាំងពីរ កាន់តែល្អ និងរង់ចាំដំណឹងល្អនៅប៉ុន្មានខែខាងមុនទៀតផងដែរ៕

• កែវ វាសនា
• ផ្ទៃពោះ