ភ្នំពេញ៖ រយៈពេលពីរថ្ងៃមកនេះ សិស្សសាលារាប់រយនាក់ កំពុងមមាញឹកបង្ហាញសមត្ថភាពក្នុងការប្រលងបាក់ឌុប ដើម្បីបញ្ចប់ងារជាសិស្សវិទ្យាល័យ។
នៅលើបណ្ដាញសង្គម គេសង្កេត ឃើញថា ក៏មានតារាជាច្រើនបានផ្ញើសារជូនពរ សិស្សដែលមានឈ្មោះប្រលង។ ចំពោះតារាកំប្លែង នាយ ពាក់មី ដែលកំពុងជួបរឿងស៊យផ្ទួនៗនេះវិញ ក៏បានបង្ហាញសារមួយ សម្រាប់លើកទឹកចិត្ត មិនខុសពីតារាដ៏ទៃដែរ ។
ប៉ុន្តែសារនោះក៏បានបង្កប់អត្ថន័យស្ដីពី អារម្មណ៍សោកស្ដាយជាខ្លាំង ដែលលោកបាន សរសេររៀបរាប់ថា ៖«ឃើញប្អូនប្រលង ស្រណោះរូបបង កាលនៅសិក្សា ត្រឹមថ្នាក់ទី៦ ប្រឹងជួយគ្រួសារ ដើសុំការងារ រកប្រាក់ជួយម្តាយ ។ ឥឡូវហួសហើយ ទោះចង់ថយក្រោយ បានត្រឹមសោកស្តាយ តែបងសូមផ្តាំ ប្អូនៗទាំងឡាយ ឪកាសមានហើយ ត្រូវតែខំប្រឹង»។
នេះជាសារលើកទឹកចិត្តមួយ ដែលបញ្ជាក់ពីអារម្មណ៍ពិត របស់ម្ចាស់បទ«ឆ្កែក្រុងឆ្កែស្រែ» ដែលខ្លួនគ្មានវាសនា បញ្ចប់ថ្នាក់ទី១២ ដូចប្អូនៗដែលមានលទ្ធភាពរៀនសព្វថ្ងៃនេះ។
យ៉ាងណាមិញ ទោះបីជាបច្ចុប្បន្ន លោក ពាក់មី បានរួចផុតពីភាពក្រ តាមការប្រឡូកសិល្បៈក៏ពិតមែន តែបើមានឱកាសតារាកំប្លែងរូបនេះ នៅចង់រៀនបន្ត ព្រោះចំនេះដឹងពិតជាសំខាន់ណាស់ សម្រាប់យើងម្នាក់ៗក្នុងការប្រកបការងារ និងរបររកស៊ីប្រចាំថ្ងៃ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]