(ភ្នំពេញ)៖ តារាសម្ដែងស្រីអ្នកនាង លី ចាន់សីហា បន្ទាប់ពីបានរៀបអាពាហ៍ពិពាហ៍ ជាមួយនឹងស្វាមី មានកូនប្រមាណជាងបីខែមក នាងកំពុងមមាញឹកជាមួយនឹងការរកស៊ី ប៉ុន្ដែយ៉ាងណាមិញ នាង និង ស្វាមី ក៏បានកំណត់ពេលវេលា ធ្វើដំណើរកំសាន្ដជាមួយគ្នា នៅឯក្រៅប្រទេសផងដែរ ជាហេតុធ្វើឲ្យមិត្តៗលេងហ្វេសប៊ុក និងទស្សនិកជនមានការភ្ញាក់ផ្អើលយ៉ាងខ្លាំង ព្រោះទោះបីជាខ្លួនមានផ្ទៃពោះ និងមានអាការៈចាញ់តាមបែបស្រ្ដី មានផ្ទៃពោះយ៉ាងណាក្ដី តែនាងនៅតែរីករាយ ក្នុងដំណើរកំសាន្ដមួយនេះ។
អ្នកនាង លី ចាន់សីហា ធ្វើដំណើរកំសាន្ដទៅកាន់ប្រទេសម៉ាឡេស៊ី និង សិង្ហបុរី។ នាងបានបង្ហោះរូបភាពផ្អែមល្ហែម ជាមួយនឹងស្វាមីជាច្រើនសន្លឹក ក្នុងដំណើរកំសាន្ដលក្ខណៈ គ្រួសារមួយនេះ។ តាមរយៈរូបភាពក្នុងហ្វេសប៊ុក ដែលនាងបានបង្ហាញ មានទស្សនិកជនជាច្រើន សង្កេតឃើញថា ទោះបីជានាងមានគក៌ ប្រមាណជាងបីខែក៏ដោយ តែពោះរបស់នាងមិនសូវធំប៉ុន្មានទេ ព្រោះនេះជាកូនដំបូង។ លើសពីនេះ សុខភាពរបស់នាង និងកូនក្នុងផ្ទៃ គឺល្អធម្មតា ហើយអ្វីដែលទស្សនិកជនសរសើរ មិនដាច់ពីមាត់នោះ គឺលី ចាន់សីហា មានស្វាមីដ៏ល្អចេះថ្នាក់ថ្នម ភរិយាថែមទៀតផង។
ប្រភព៖ Khmertalking
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]