ប្រឡូកសិល្បៈតាំងពីក្មេង មកដល់សព្វថ្ងៃ អាយដលទាំងនេះ នៅតែល្បី

ភ្នំពេញ៖ បច្ចុប្បន្ន បើនិយាយដល់តារាចម្រៀង តារាសម្ដែង និងតារាកំប្លែងទាំងប៉ុន្មាននាក់ខាងក្រោមនេះ ទស្សនិកជន និងហ្វេនៗច្បាស់ជាបានស្គាល់ពួកគេយ៉ាងច្បាស់ជាក់ជាមិនខាន ព្រោះរាល់ការងារសិល្បៈរបស់ពួកគេនាពេលកន្លងមក សុទ្ធសឹងតែអាចបង្ហាញពីភាពពូកែគួរឲ្យសរសើរ។ លើសពីនេះ ពួកគេក៏បានចាប់ផ្ដើមឈានជើងចូលសិល្បៈ និងទទួលបានការគាំទ្រខ្លាំងតាំងពីនៅវ័យក្មេងផងដែរ។ ដោយកាលនៅជំនាន់នោះ ពួកគេជាក្មេងមានចរិតក្រម៉ិចក្រមើម សម្ដែងចេញមកសាកសមដូចមនុស្សធំតែម្ដង។

យ៉ាងណាមិញ រយៈពេលជាច្រើនឆ្នាំកន្លងមកនេះ តារាស្រីប្រុសទាំងប៉ុន្មាននាក់ខាងក្រោម ក៏មានវិវត្តន៍ ធំពេញរូបពេញ កម្លោះក្រមុំអស់ទៅហើយដែរ ហើយការងារសិល្បៈរបស់ពួកគេ ក៏នៅតែបន្ត ពិសេសប្រជាប្រិយភាពនៅតែល្បីរន្ទឺដដែលមិនចាញ់កាលពីនៅក្មេងៗនោះឡើយ៕

តារាទាំងនោះ មានដូចខាងក្រោម៖

១.លី ចាន់សីហា

តារាស្រីរូបនេះ ធ្លាប់លេចមុខក្នុងរឿងភាគខ្មែរល្បីៗជាច្រើន ដូចជារឿង «ចៅស្រទាប់ចេក» និងរឿង «មរណមាតា»ជាដើម។

២.ឡោម លក្ខិណា

តារាស្រីរូបនេះ កាលពីក្មេងក៏ធ្លាប់លេចមុខក្នុងរឿង «មរណមាតា»។

៣.វ៉ាន់ នីឡា

នីឡា ក៏មានឈ្មោះល្បីតាមរយៈការលេងកំប្លែង តាំងពីរក្មេងដែរ។

៤.នាយ ព្រែក

តារាប្រុសរូបនេះ កាលពីក្មេងក៏មានគេស្គាល់ច្រើន តាមរយៈការសម្ដែងក្នុងបទចម្រៀងជាច្រើនរបស់តារាចម្រៀង ព្រាប សុវត្ថិ ពិសេសលោកក៏បានលេចមុខសម្ដែងក្នុងរឿងកុនជាច្រើនផងដែរកាលជំនាន់នោះ។

៥.សុភ័ក្រ កុសុម៉ា 

តារាស្រីពូកែកំប្លែងស្ងួតរូបនេះ ក៏មានឈ្មោះល្បីល្បាញខាងចម្រៀងតាំងពីតូចដែរ។

៦.នាយ ចឺម

កាលពីក្មេង នាយ ចឺម ល្បីខាងលេងកំប្លែង តែមកដល់សព្វថ្ងៃ លោកងាកមកច្រៀងវិញ ហើយក៏កាន់តែល្បីខ្លាំងលើសមុន អ្នកណាក៏ស្គាល់រូបលោក។

៧.នីកូ

តារាចម្រៀង នីកូ មិនត្រឹមតែសង្ហា ច្រៀងពិរោះ ពិសេសលោកក៏បានលេចមុខសម្ដែងក្នុងរឿងតាំងពីក្មេងតែម្ដង។ ដោយក្នុងនោះលោកបានដើរតួក្នុងរឿងជាច្រើន ដូចជារឿង «ចៅស្រទាប់ចេក» ជាដើម។