(ភ្នំពេញ)៖ តារាចម្រៀងសំឡេងផ្អែម ទឹកមុខមានមុនស្នេហ៍ កញ្ញា សុគន្ធ និសា ត្រូវបានទស្សនិកជនជាច្រើន ចាត់ទុកថា ជាតារាស្រីមួយដួងមានសម្រស់ស្រស់ស្អាត សាច់សខ្ចី រីឯសំឡេងវិញមានទឹកដមយ៉ាងស្រទន់ ធ្វើឲ្យទស្សនិកជនលង់នឹងសំឡេងដ៏ផ្អែមរបស់នាងគ្រប់គ្នា។ តែយ៉ាងណាមិញ មួយរយៈនេះទស្សនិកជន សង្កេតឃើញថា តារាស្រីញញឹមស្រស់រូបនេះ ហាក់ដូចជាមានរឿងរ៉ាវអ្វីក្នុងចិត្ត ដោយសារតែឃើញមានបង្ហោះសារប្លែកៗ ធ្វើឲ្យទស្សនិកជន ជាពិសេសអ្នកគាំទ្រ ងឿងឆ្ងល់គ្រប់គ្នា។
ជាការពិត បើយោងតាមផេកហ្វេសប៊ុកផ្ទាល់ខ្លួនរបស់ កញ្ញា សុគន្ធ និសា បានសរសេរថា «ផុតមួយថ្ងៃទៀតហើយ ជីវិត គឺតែប៉ុណ្ណឹងឯង មើលពីម្សិលថាថ្ងៃនេះពិបាកខ្លាំងហត់ខ្លាំង តែទោះពិបាកប៉ុណ្ណាក៏មិនដែលថា ឆ្លងមិនផុតទេរៀនរស់កុំខ្លាចថ្ងៃស្អែក បើសិនជាខ្លាចសាករាប់ទៅមើលថាយើងឆ្លងផុតម្សិលមិញប៉ុន្មានដងហើយរាប់ទៅនឹងដឹងថា ស្អែករាប់ពាន់ដងទៀតក៏គ្មានអ្វីគួរឲ្យខ្លាចដែរ»។
កញ្ញា សុគន្ធ និសា បានបន្ដទៀតថា «សប្បាយចិត្តចុះ ទោះពេលខ្លះកំពុងធ្វើរឿងដែលមិនចង់ធ្វើវាមិនសប្បាយ តែព្យាយាមគិតថា នឹងខំធ្វើវាឲ្យហើយ ដើម្បីធ្វើរឿងដែលយើងចង់ធ្វើវិញពេលនោះនឹងសប្បាយចិត្តហើយ»។
គួរឲ្យដឹងថា ទស្សនិកជនមិនទាន់ជ្រាបច្បាស់នៅឡើយទេ ថាសារទាំងនេះចេញពីបេះដូងពិតរបស់ កញ្ញា សុគន្ធ និសា ដែលនាងកំពុងមានរឿងអ្វីពិបាកចិត្ត ឬក៏គ្រាន់តែ ជាអត្ថន័យក្នុងបទចម្រៀង និងរឿងភាគដែលនាងកំពុងនឹងថតនោះទេ។ ទោះបីជាយ៉ាងណា ទស្សនិកជន គត់សំគាល់ថា កញ្ញា សុគន្ធ និសា នៅតែញញឹមជានិច្ច មិនថាពេលនាងសប្បាយចិត្តឬពិបាកចិត្តឡើយ៕
ប្រភព៖ Khmertalking
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]