នេះជាបណ្តាំចុងក្រោយ របស់ លោកយាយ ណយ សំណាង បើអត់ពីលោកយាយទៅគឺ......!

ភ្នំពេញ៖ តារាកំប្លែងវ័យចំណាស់ លោកយាយ ណយ សំណាង ដែលលោកយាយ បានបម្រើឲ្យវិស័យសិល្បៈនិងវប្បធម៌ខ្មែរ អស់រយៈពេល៦២ឆ្នាំមកហើយ ពោលគឺលោកយាយបានចូលប្រឡូកវិស័យសិល្បៈ តាំងពីលោកយាយមានអាយុ១១ឆ្នាំ មកម៉្លេះ។

នេះបើយោងតាមការលើកឡើង របស់លោក អ៊ឹម ជីវ៉ា ដែលលោកបានចុះសួរសុខទុក្ខ លោកយាយ ណយ សំណាង កាលពីថ្មីៗនេះ បានឲ្យដឹងថា លោកយាយ មានកូនចំនួនពីររូប ប៉ុន្តែកូនប្រុសមួយរូបបានទទួលមរណភាពក្នុងគ្រោះថ្នាក់ចរាចរណ៍ ហើយលោកយាយ ណាង មានចៅរហូតទៅដល់៦នាក់ឯណោះ ដែលជាបន្ទុករបស់លោកយាយ តែលោកយាយ ណយ សំណាង ក៏មានកូនប្រុសម្នាក់ ឈ្មោះវណ្ណា ស័ក្ត ជាតារាចម្រៀង បានជួយសម្រាលបន្ទុកបានមួយកម្រិត ។

យ៉ាងណាមិញ ដោយសារតែបច្ចុប្បន្ននេះ លោកយាយ ណយ សំណាងកាន់តែមានវ័យជរាទៅៗ និងមានក្តីបារម្ភពីកូនចៅតូចៗ លោកយាយក៏បានទុកនូវ បណ្តាំចុងក្រោយរបស់លោកយាយ ដោយបានផ្តាំមកដល់ក្រុមការងារ និងបងប្អូនទាំងអស់គ្នាថា «បើអត់ពីលោកយាយទៅ សូមបងប្អូនទាំងអស់ជួយមើលចៅទាំង៦នាក់របស់គាត់ផង»។

ដោយបណ្តាំរបស់លោកយាយ ធ្វើឲ្យមហាជន អាណិតខ្លោចចិត្ត ចំពោះតារាបម្រើសិល្បៈខ្មែរជាង៦០ឆ្នាំ និងបន្សល់ទុកនូវស្នាដៃជាច្រើន ដូចជាលោកយាយជាខ្លាំង។ ហើយពួកគេ ក៏សូមជូនពរឲ្យលោកយាយ ណយ សំណាង មានសុខភាពមាំមួន និងជាពីជំងឺ៕ 

• ណយ សំណាង
• ជីវិត