ម្សិលមិញ! កក្រើកការិយាល័យ​ AirAsia ម៉ាឡេស៊ី​ ក្នុងពិធីបុណ្យអាហារ Santan

ម៉ាឡេស៊ី​៖ កាលពីថ្ងៃទី​ 22 ឧសភា​ 2017 ម្សិលមិញនេះ​ ក្រុុមហ៊ុនអាកាសចរណ៍ AirAsia បានធ្វើពិធីបុណ្យអាហារ​ឈ្មោះថា​ Santan ដែលនេះជាការធ្វើឡើងលើកដំបូងគេ​ និងធំជាងគេនៅអាស៊ី​ សម្រាប់អាហារនៅលើយន្ដហោះ​ នៅក្នុងការិយាល័យ​ AirAsia ម៉ាឡេស៊ី​ យ៉ាងគគ្រឹកគគ្រេង​។

ក្នុងពិធីបុណ្យដ៏ធំនេះ មានការអញ្ជើញចូលរួមយ៉ាងកិត្តិយសពីសំណាក់​ លោក Tony Fernandes ប្រធានក្រុមនាយកប្រតិបត្តិនៃក្រុមហ៊ុន AirAsi​a និងអ្នកសារព័ត៌មានអន្ដរជាតិ​ ក្នុងនោះក៏មានកម្ពុជាផងដែរ​ ដែលក្នុងពិធីនេះមានការសម្ដែង​ដូចជាចង្វាក់រាំ រួមនឹងសកម្មភាពជាច្រើន​។

គួរឲ្យដឹងថា​ Santan នឹងផ្ដល់ជូននូវមុខម្ហូបជាច្រើនជម្រើស​លើយន្ដហោះ​ AirAsia ដូចជាប្រភេទម្ហូបម៉ាឡេ​ ថៃជាដើម​ និងភេសជ្ជៈ ជាមួយនឹង​បទពិសោធន៍ទទួលទានអាហារលើអាកាសដែលមានតែមួយ​។ សម្រាប់សេវាមួយនេះ​ អ្នកដំណើរអាចធ្វើការបញ្ជាទុកមុនតាមអនឡាញ​ និងលើយន្ដហោះផ្ទាល់តែម្ដង។

បន្ថែមពីនេះ អ្នកសារព័ត៌មាន​ក៏បានជួប​សំភាសន៍ដោយផ្ទាល់ជាមួយនឹងលោក Tony Fernandes ប្រធានក្រុមនាយកប្រតិបត្តិនៃក្រុមហ៊ុន AirAsia ដោយលោកបានលើកឡើងថា​ លោកជឿជាក់ Santan នឹងអាចបង្កើតនូវម៉ាកភោជនីយ៍ដ្ឋានដំបូងគេបង្អស់នៅលើអាកាសជាមួយនឹងរសជាតិ និងតម្លៃសមរម្យ។ ងាកមកកម្ពុជាវិញ​ លោកនិយាយថា​ កម្ពុជាពិតជាមានសក្កានុពលខ្លាំង​ ដែលលោកក៏នឹងមានគម្រោងបើក​ AirAsia Cambodia ផងដែរ​។

គួរបញ្ជាក់ថា​ អាកាសចរណ៍ AirAsia គឺជាក្រុមហ៊ុនដឹកអ្នកដំណើរតាមផ្លូវអាកាសតម្លៃទាបបំផុតប្រចាំអាស៊ី និងបន្តចូលរួមយ៉ាងធំដល់ការដឹកជញ្ជូនភ្ញៀវទេសចរនៅក្នុងតំបន់អាស៊ាន៕

• អាហារ