ភ្នំពេញ៖ តារាចម្រៀងស្រី ដែលច្រៀងទាំងបទ ចម្រៀងជាភាសាខ្មែរ និងភាសាអង់គ្លេស បានល្អ អ្នកនាង យ៉ាន លីនដា ត្រូវបានអ្នកគាំទ្រ លួចបង្ហើបថា ល្បីនិងមានអ្នកគាំទ្រខ្លាំង នៅសហរដ្ឋអាមេរិក ក្រៅពីមានអ្នកគាំទ្រ ក៏មានបុរសជាច្រើន តាមសុំស្នេហ៍អ្នកមេម៉ាយ កូនមួយនេះផងដែរ។
អ្នកមេម៉ាយចាយរាង យ៉ាន លីនដា បានធ្វើឲ្យប្រជាជនខ្មែរ រស់នៅសហរដ្ឋអាមេរិក មានការភ្ញាក់ផ្អើល និងគាំទ្រខ្លាំង គ្រាដែលនាងចេញ ទៅច្រៀងរាំជាមួយនឹងសិល្បករខ្មែរ ជាច្រើនទៀត។ វត្តមាននាងបានធ្វើឲ្យ សំបុត្រលក់ចូលរួម កម្មវិធីប្រគុំតន្ត្រី លក់ដាច់ខ្លាំង ។
ក្រៅពីមានអ្នកគាំទ្រ អ្នករស់នៅលើទឹកដី នៃប្រទេសមហាអំណាចមួយនេះ ធ្លាប់ទម្លាយថា យ៉ាន លីនដា គឺជាសិល្បករ ដែលទាក់ទាញខ្លាំង នៅសហរដ្ឋអាមេរិក ព្រោះតែនាងជាសិល្បករ ដែលអាចច្រៀងទាំងបទចម្រៀង ជាភាសាខ្មែរ និងភាសាអង់គ្លេសបានល្អ។ ក្រៅពីមានអ្នកគាំទ្រ ក៏មានបុរស ជាច្រើនតាមសុំស្នេហ៍អ្នកមេម៉ាយ កូនមួយនេះផងដែរ។
វត្តមានសិល្បករ ដែលបានចូលរួម ព្រឹត្តិការណ៍ប្រគុំតន្ត្រី រាំលេងកម្សាន្ត សម្រាប់ប្រជាជនខ្មែរ រស់នៅរដ្ឋមីនីសូតា សហរដ្ឋអាមេរិក មានដូចជា អ្នកនាង យ៉ាន លីដា អតីតបេក្ខជន Cambodian Idol លោក អ៊ាម វន្នី តារាសម្តែងក្បាលធំ លោក វី ជីវ័ន្ត និងតារាចម្រៀងកញ្ញា ចំរើន សុភា។ គ្រាន់តែបង្ហាញ ពីការចាប់ដៃគ្នាសម្តែង នៅក្នុងចុងសប្តាហ៍នេះ មានអ្នកទិញសំបុត្រ ត្រៀមចូលរួម យ៉ាងច្រើនកុះករ ។
សូមជម្រាបថា អ្នកនាង យ៉ាន លីដាន និង លោក អ៊ាម វន្នី រួមជាមួយតារាផ្សេងៗ ក៏បានចេញវីដេអូខ្លីមួយ អំពីគម្រោងរបស់ខ្លូនដែល ត្រូវសម្តែងនៅក្នុងសប្តាហ៍នេះផងដែរ ។ អ្នកគាំទ្រអ្នកនាង យ៉ាន លីនដា បានជួយទិញ CD អាល់ប៊ុមរបស់នាង បូករួម ទាំងការបោះពុម្ពអាវយឺត មានឈ្មោះនាង ធ្វើជាកាដូដល់នាងផងដែរ។ នាងក៏ត្រូវបានប្រជាជនខ្មែរ ជាច្រើនរស់នៅទីនោះ អញ្ជើញជាភ្ញៀវកិត្តិយស ចូលរួមទទួលទាន អាហារបែបលក្ខណៈគ្រួសារ ជាហូរហែផងដែរ៕
ប្រភព៖ ដើមអម្ពិល
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]