អេម មី បោះ​ទុន ២ម៉ឺន​ដុល្លារ បើក​​ហាង​​លក់​​គ្រឿង​សម្អាង នាំចូល​​ផលិត​ផល​​ផ្តាច់​មុខ​​មក​ពី​​ប្រទេស​​អូស្ត្រាលី

(ភ្នំពេញ)៖ តារាចម្រៀងមានដើមកំណើតចេញពីទឹកដី ភ្នំប្រុស-ភ្នំស្រី កញ្ញា អេម មី ជាការកត់សម្គាល់ មួយរយៈពេលចុងក្រោយនេះ សម្រាប់ទីផ្សារចម្រៀងក្នុងស្រុក ហាក់មានភាពសម្ងប់ស្ងាត់បន្តិច តែបែរជាឡើងយឺអ៊ុនខ្ពស់ ចំពោះទីផ្សារក្រៅស្រុក ស្របពេលដែលថ្មីៗនេះ នាងក៏ទើបកើបលុយខ្ទង់រាប់ម៉ឺនដុល្លារ ដើម្បីបើហាងផ្ទាល់ខ្លួនផងនោះ។

នៅលើបណ្តាញសង្គមហ្វេសប៊ុក របស់តារាស្រីប្រចាំផលិតកម្ម M (អ៊ឹម)កញ្ញា អេម មី កាលពីប៉ុន្មានថ្ងៃមុននេះ បានបង្ហោះរូបភាពទីតាំងហាងរបស់ខ្លួន ព្រមជាមួយការប្រកាសថា មិនយូរប៉ុន្មានទៀតទេ នាងនឹងក្លាយជាថៅកែហាង បន្ទាប់ពីត្រូវបានសម្ពោធជាផ្លូវការ នាពេលខាងមុខដ៏ខ្លីនោះ។

ថ្លែងប្រាប់ Khmertalking តាមទូរស័ព្ទឲ្យដឹង នារសៀលថ្ងៃទី០៥ ខែមេសា ឆ្នាំ២០១៧នេះ តារាស្រីសម្ផស្សស្អាត មានមន្តស្នេហ៍ កញ្ញា អេម មី បាននិយាយថា ជាការពិត ខ្លួនបានបើកហាងលក់គ្រឿងសម្អាង ដែលនាំចូលពីប្រទេសអូស្ត្រាលីមែន ដែលទីតាំងហាងរបស់នាង មានអាសយដ្ឋាននៅបណ្តោយផ្លូវលេខ០៧ ផ្ទះលេខ ៣៤០ ក្នុងបុរីពិភពថ្មី ចំការដូង ដែលមានយៅហោថា «មីមី»។

តារាចម្រៀងកញ្ញា អេម មី បានបញ្ជាក់បន្ថែមថា ហាងលក់គ្រឿងសម្អាង ដែលនាំចូលពីប្រទេសអូស្ត្រាលី ទើបបើកដំណើរនេះ គឺចាយទុនអស់មិនក្រោម២ម៉ឺនដុល្លារឡើយ។ ប៉ុន្តែនេះពុំមែនបានមកពីការឧបត្ថម្ភ ទំនុកបម្រុងពីនរណាម្នាក់ឡើយ ពោលគឺបានមកពីកំលាំង ញើសឈាមខ្លួនឯងទាំងអស់ ព្រោះកន្លងមកនេះ នាងឧស្សាហ៍ទទួលបានការអញ្ជើញ ឲ្យចេញទៅច្រៀងនៅក្រៅប្រទេស៕

ប្រភព៖ Khmertalking

ដោយឡែក ព័ត៌មានគួរឲ្យចាប់អារម្មណ៍មួយផ្សេងទៀត៖ នេះជាលទ្ធផលស្លៀកខោរឹបតឹងពេក ធ្វើឲ្យតារាស្រីរូបស្អាតម្នាក់នេះ ត្រូវបាក់មុខ នៅលើឆាក!

វៀតណាម៖ ក្នុងនាមជាតារាល្បីៗ តែងត្រូវបានមហាជន ចាប់អារម្មណ៍ និងតាមដានខ្លាំងបំផុត រាល់ពេលឡើងលើឆាកម្តងៗ មិនថាសកម្មភាព ឬការនិយាយនោះទេ ដូច្នេះហើយ ទើបមុនពេលសម្តែង តារាៗ ប្រយ័ត្នខ្លួនជានិច្ច ខ្លាចជួបបញ្ហា និងរឿងអាក្រក់ នៅពេលពួកគេសម្តែង។

កាលពីថ្មីៗនេះ តារាចម្រៀងស្រីវ័យក្មេង រូបស្រស់ នាង Hoang Thuy Linh ត្រូវស្ពឹកមុខយ៉ាងខ្លាំង នៅពេលនាងបានឡើងច្រៀង និងរាំ ស្រាប់តែខោដ៏សែនរឹបរបស់នាង បានរហែកចំពីមុខ បណ្តាលឲ្យឃើញ ខោក្នុងរបស់នាងកណ្តាលវាលតែម្តង។

តាមប្រភពព័ត៌មានបានឲ្យដឹងថា គ្រាន់តែហេតុការណ៍នោះ បានកើតឡើងភ្លាម ក៏មានគេចេញមកជួយនាងយ៉ាងប្រញាប់ ដោយយកអាវក្រៅរបស់នាង បិទបាំងបណ្តោះអាសន្នសិន ព្រោះពេលនោះ នាងទើបតែសម្តែងបានពាក់កណ្តាលតែប៉ុណ្ណោះ មិនអាចឈប់កណ្តាលទីបាននោះទេ។

ប៉ុន្តែទោះបីជាមានរឿងបែបនោះក៏ដោយ ក៏គេសង្កេតឃើញថា ទឹកមុខតារាស្រី Hoang Thuy Linh នៅតែញញឹម និងសម្តែងបានយ៉ាងល្អ រហូតទាល់តែចប់ ដែលចំណុចនេះ បានធ្វើឲ្យអ្នកគាំទ្រ មានការសរសើរនាងមិនដាច់ពីមាត់។

ក្នុងនោះដែរ នាងក៏បានប្រាប់ដែរថា បញ្ហាទាំងនេះ គឺបណ្តាលមកពី ម៉ូតសម្លៀកបំពាក់របស់នាងតឹងពេក ទើបធ្វើឲ្យរហែកយ៉ាងដូច្នេះ។ ប៉ុន្តែមិនថាយ៉ាងណា នាង ក៏សុំទោសទៅកាន់អ្នកគាំទ្រផងដែរ នូវរឿងហេតុមិននឹកស្មានដល់នេះ ហើយនាងក៏សង្ឃឹមថា ទស្សនិកជន នឹងយល់ ហើយបង្ហោះរូបភាពស្អាតៗរបស់នាងបានហើយ កុំបង្ហោះរូបទាំងនោះ ព្រោះថាគ្មានអ្នកណាចង់កើតបញ្ហាអាក្រក់បែបនេះទេ៕

• អេម មី