អតីតស្វាមី Angelina Jolie ចេញមកកម្សាន្ត ជាមួយគូស្នេហ៍ថ្មី ឡើងផ្អែមល្ហែម

កម្សាន្ត៖ ថ្មីៗនេះ តាមរយៈសារព័ត៌មាន Daily Mail បានរាយការណ៍ថា តារាសម្ដែង លោក Brad Pitt ដែលត្រូវបានគេស្គាល់ថា ជាអតីតស្វាមីតារាស្រី Angelina Jolie និងមិត្តស្រី Ines de Ramon បានបង្ហាញពីភាពរីករាយ ដ៏រ៉ូមែនទិក ដោយការដើរ និងផឹកកាហ្វេ នៅលើឆ្នេរខ្សាច់ក្នុងទីក្រុង Santa Barbara រដ្ឋ California កាលពីថ្ងៃទី ២៩ ខែមេសា កន្លងទៅ។

នៅក្នុងវីដេអូ ដែលថតបានដោយ paparazzi បានបង្ហាញឲ្យឃើញថា គូស្នេហ៍មួយគូនេះ ដែលមានអាយុខុសគ្នា ២៧ ឆ្នាំ បានតុបតែងខ្លួន ស្លៀកសម្លៀកបំពាក់ដែលមានផាសុខភាពយ៉ាងងាយស្រួល ដើរទន្ទឹមគ្នានៅលើខ្សាច់ ពោរពេញដោយភាពស្និទ្ធស្នាល។

ជាពិសេស គេអាចឃើញថា នៅក្នុងវ័យ ៦១ ឆ្នាំ តារាសម្ដែង លោក Brad Pitt នៅតែរក្សាទម្រង់ ដូចកាលនៅពេលដែលលោកស្ថិតនៅចំណុចកំពូល ជាមួយនឹងមុខមាត់វ័យក្មេង និងរាងកាយរឹងមាំ ផងដែរ៕

ប្រភព៖ Kenh14

សូមទស្សនារូបភាពខាងក្រោម៖