ខេត្តឧត្តរមានជ័យ ៖ ស្ត្រីវ័យចំណាស់ម្នាក់រងរបួសធ្ងន់ ខណៈឃើញកូនៗប្រុស-ស្រីទាំង២នាក់ឈ្លោះប្រកែកគ្នាក៏ដើទៅឃាត់ ស្រាប់តែកូនប្រសារប្រុសប្រើហិង្សាទាញពូថៅមកកាប់កាលពីវេលាម៉ោង៤ល្ងាច ថ្ងៃទី១៦ មីនា ។ ហេតុការណ៍នេះកើតឡើងនៅភូមិត្រពាំងទូង សង្កាត់កូនគ្រៀល ក្រុងសំរោង ។
ស្ត្រីរងគ្រោះឈ្មោះ ឡាច អ៊ុំ អាយុ៦៧ឆ្នាំ ចំណែកកូនប្រសារឈ្មោៈ ធន់ ចន្ធី ភេទប្រុស អាយុ២៩ឆ្នាំ រសនៅក្នុងភូមិ-សង្កាត់ជាមួយនឹងស្ត្រីរងគ្រោះខាងលើត្រូវប៉ូលិសធ្វើការឃាត់ខ្លួនភ្លាមៗនៅពេលកើតហេតុ ។ ប៉ូលិសក្រុងសំរោងបានឱ្យដឹងថា មុនពេលកើតហេតុបុរសរូបនេះបានផឹកស្រារស្រវឹងហើយរករឿងប្រពន្ធកូនឈ្លោះប្រកែកគ្នាយ៉ាងតឹងសរសៃករៀងខ្លួន ខណៈម្តាយក្មេកដែលជាជនរងគ្រោះខាងលើបានឮកូនៗប្រកែកគ្នាក៏ដើទៅហាមឃាត់ស្រាប់តែកូនប្រសារប្រុសទាញពូថៅមកកាប់ម្តាយក្មេកចំនួន២ពូថៅបណ្តាលឱ្យរងរបួសធ្ងន់ធ្ងរនាំយកទៅសង្គ្រោះនូវមន្ទីរពេទ្យខេត្ត ។
ប៉ូលិសក្រុងបានបន្តថា ក្រោយពីកើតហេតុសមត្ថកិច្ចប៉ូលិសបានចុះទៅដល់នឹងកន្លែងកើតហេតុភ្លាមៗឃាត់ខ្លួនជនដៃដល់ជាកូនប្រសារនាំមកអធិការក្រុងដើម្បីធ្វើការសាកសួរ យោងទៅលើការសាកសួរជននេះបានឆ្លើយសារាភាពថា ខ្លួនពិតជាបានកាប់ម្តាយក្មេកពិតមែននឹងយោងតាមវត្ថុតាងពូថៅរួមទាំងចម្លើយសមត្ថកិច្ចបានកសាងសំណុំរឿងទៅតុលាការអមសាលាដំបូងខេត្តចាត់ការទៅតាមនីតិវិធីច្បាប់ ៕
ប្រភព៖ កោះសន្តិភាព
ដោយឡែករំលឹកព័ត៌មានមួយផ្សេងទៀត៖ កូនទមិឡ! វាយម្តាយក្មេកឡើងទ្រោមខ្លួន ព្រោះខឹងស្រឡាញ់ចៅមិនស្មើគ្នា តែខ្លួនឯងស្រវឹងឡប់ឡែជោគខ្លួនរាល់ថ្ងៃ
(ភ្នំពេញ)៖ ក្នុងអាការៈញញីញញ័រភិតភ័យ ស្ត្រីចំណាស់ម្នាក់ បានរត់ទៅប្ដឹងនគរបាលសង្កាត់ភ្នំពេញថ្មី ទាំងព្រឹក ក្រោយត្រូវកូនប្រសាប្រុស វាយដំច្រំធាក់យ៉ាងដំណំ បណ្តាលឲ្យរបួសជាទម្ងន់ ទាំងកណ្តាលអាធ្រាត្រឈានចូលថ្ងៃទី១៥ ខែមីនា ឆ្នាំ២០១៧ នៅភូមិគោកឃ្លាង សង្កាត់ភ្នំពេញថ្មី ខណ្ឌសែនសុខ។
ស្ត្រីរងគ្រោះខាងលើមានឈ្មោះ នៅ ស៊ីថន អាយុ៦៥ឆ្នាំ ស្នាក់នៅកន្លែងហិង្សាខាងលើ ចំណែកកូនប្រសារប្រុស ដែលគាត់មកប្តឹងនោះ មានឈ្មោះ លី ម៉េងជី អាយុ៣០ឆ្នាំ ស្នាក់នៅជាមួយគ្នា។
តាមសំដីរបស់ស្ត្រីរងគ្រោះ បានប្រាប់សមត្ថកិច្ចថា កន្លងមកកូនប្រសាចិត្តតិរច្ឆានរូបនេះ តែងតែអុកឡុក និងប្រើអំពើហិង្សាជាញឹកញាប់មកហើយ ដោយចោទប្រកាន់គាត់ថា ស្រឡាញ់ចៅមិនស្មើគ្នា ប៉ុន្តែដោយអាណិតដល់កូន ទើបគាត់មិនដាច់ចិត្តប្តឹងសមត្ថកិច្ច។
លុះដល់យប់កើតហេតុ ខណៈដែលគាត់កំពុងអង្គុយមើលទូរទស្សន៍ ស្រាប់តែកូនប្រសារូបនេះ មិនដឹងមកពីផឹកស៊ីនៅកន្លែងណា ពេលចូលដល់ក្នុងផ្ទះ ក៏ស្រែកឡូឡាដាក់ប្រពន្ធ ហើយបានទៅលើកចំនៀងផ្ទះ គប់មកលើគាត់ ដែលកំពុងអង្គុយនោះ ធ្លាក់លើជើងខាងស្តាំរបស់ម្ដាយជរា ត្រូវកំភួនដៃស្តាំ និងពកក្បាល រងរបួសទ្រោមខ្លួនតែម្តង ភ្លាមៗនោះ គាត់បានរត់ចេញពីផ្ទះ ដើម្បីគេចមួយគ្រាសិន។
រហូតដល់ព្រឹកថ្ងៃទី១៥ ខែមីនា ឆ្នាំ២០១៧នេះ គាត់ក៏សម្រេចចិត្តទៅប្តឹងកូនប្រសាខាងលើតែម្ដង ពីបទប្រើអំពើហិង្សាមកលើគាត់ជាម្តាយក្មេកដើម្បីតាមចាប់ខ្លួន៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
